Бүгін ҚР Стратегиялық жоспарлау және реформалар Агенттігінің алаңында Сенат Төрағасы Мәулен Әшімбаев бастаған Парламент депутаттарымен кездесу өтті.  

Іс-шараны ашқан Агенттік басшысы Жандос Шаймарданов Сенат депутаттарына осы жылдың шілде айында қабылданған мемлекеттік статистиканы жаңғырту туралы Заңға көрсеткен қолдаулары үшін алғысын білдірді. Оның айтуынша, жаңа заңда деректердің сапасын арттыруға бағытталған бірқатар бастамалар қарастырылған. 

«Күшіне енген заңнамалық түзетулерді іске асыру шеңберінде Бюро жасанды интеллектті қолдана отырып, бірқатар жаңа дата-өнімдерді енгізді, сондай-ақ 2025-2027 жылдарға арналған статистикалық жұмыстардың орта мерзімді жоспарына көшті. Онда әкімшілік және балама дереккөздерді белсенді пайдаланудың арқасында респонденттер тарапынан есептер санын қысқарту көзделген. Баламалы көздер туралы айта отырып, биыл біз мобильді операторлардың бірімен деректерді беру туралы алғашқы келісімге қол қойдық, олар көші - қон динамикасын бақылау үшін пайдаланылатын болады» - деді Жандос Шаймарданов.

Іс-шараға қатысушыларға Агенттік қалыптастырған талдамалық шешімдер, сондай-ақ Ұлттық статистика бюросының жаңартылған stat.gov.kz. сайтының интерактивті құралдары мен эксперименттік көрсеткіштері таныстырылды.

Сонымен қатар, деректермен жұмыс істеу бойынша мемлекеттік қызметшілердің талдамалық әлеуетін нығайту және сауаттылығын арттыру жөнінде ҰСБ-ның адам ресурстарын дамыту департаментінің директоры Гүлмира Бексаутова және әкімшілік деректер сапасы саласындағы іске асырылып жатқан бастамалар туралы ҰСБ дерекқорларының сапасын бақылау басқармасының басшысы Никита Бурмистров баяндама жасады.

Кездесу соңында сенаторлармен пікір алмасу өткізілді.

Ақпарат көзі: Қазақстан Республикасының Стратегиялық жоспарлау және реформалар агенттігі