Ел президенті Қасым-Жомарт Тоқаев бастамашылық еткен «Таза Қазақстан» республикалық экологиялық акциясын Сарыкөл ауданының тұрғындары да белсенді қолдап жатыр.

Бүгін  ондаған еріктілер сенбілікке шығып, Сарыкөл ауылының жақын маңындағы орман алқаптарын қоқыстан тазартты. Экоакцияға барлығы 20-дан астам адам қатысты.

Ұйымдастырушы «Жастар ресурстық орталығы» көктем айларынан бастап еріктілер аудан аумағын тазарту және көгалдандыру бойынша ауқымды жұмыстар атқарғанын атап өтті. 30 сенбілік өткізіліп, оған 2 137 адам қатысқан.

«Таза Қазақстан» аясында барлығы 36 әлеуметтік нысан абаттандырылуда, бұл - жалпы білім беру мекемелері, балабақша, спорт, денсаулық сақтау объектілері, ескерткіштер, - дейді аудандық ЖРО маманы Анжела Бочко. - Ауданның ауылдық округтері мен ауылдарында орталық көшелер, скверлер мен саябақтар, әкімшілік ғимараттар мен әлеуметтік нысандарда 4 600 қарағаш, үйеңкі көшеттері мен гүл отырғызылды».

Сонымен қатар, Ангела Бочконың айтуынша, ЖРО бастамасымен Сарыкөл ауылының тұрғындары арасында «Таза аула» экологиялық акциясы бастау алды. Оның қорытындысы бойынша жеңімпаздар мен барлық қатысушылар естелік сыйлықтармен марапатталатын болады.

«Біз аудан билігінің барлық бастамаларына қолдау білдіріп, экологиялық іс-шараларға қуана қатысамыз. Өйткені, тазалық – денсаулық кепілі», – деп күледі аудан тұрғыны Шонова Қарылғаш. - Біз көршілерімізбен бірге «Таза аула» байқауына белсенді ат салыстық, оған балалар мен ересектерді де қатыстырдық. Себебі балалар жастайынан табиғатқа қамқорлық жасап үйренуі керек».

Ақпарат көзі: ГУ «Аппарат акима Костанайской области»