РЕСПУБЛИКАЛЫҚ ОҚУ-ӘДІСТЕМЕЛІК КЕҢЕСІНІҢ ОТЫРЫСЫ ӨТТІ

  ҚР Жоғары және жоғары оқу орнынан кейінгі білім комитеті кадрларды даярлау бағыттары бойынша оқу-әдістемелік бірлестіктердің, сондай-ақ денсаулық сақтау, мәдениет және ақпарат министрліктерінің өкілдерінің қатысуымен Республикалық оқу-әдістемелік кеңестің отырысын өткізді.

  Отырыста инженерлік, педагогикалық және заңгерлік білім беруді дамыту тұжырымдамалары қарастырылды. Мысалы, инженерлік білім беру тұжырымдамасы PhD бағдарламаларын әзірлеу мәселелерін, оқыту нәтижелерін бағалау және өнеркәсіп саласындағы практикалық міндеттерді шешуге қабілетті мамандарды даярлауды көздейді.

  Құқықтық білім беру тұжырымдамасы алғаш рет әзірленді және саяси, экономикалық, технологиялық, құқықтық және әлеуметтік факторларды ескере отырып, PESTL талдауын қамтиды. Демек, заңгерлік білім беру тұжырымдамасы заңгерлік кадрларды даярлаудағы үлкен серпілістің негізгі стратегиясы болады.

Ақпарат көзі: Қазақстан Республикасы Ғылым және жоғары білім министрлігі