Мемлекет басшысының тапсырмасы аясында ұйымдастырылған Өңірлік кадр резервінің «Құрылымдық сұхбат» кезеңі аяқталды.

Аталған резервтің мақсаты – өңірлерді дамытуға талантты жастарды тарта отырып, өңірде жаңашыл ойлайтын көшбасшылар мен жас басқарушылардың тобын қалыптастыру болып табылады.

          ҚР Мемлекеттік қызмет істері агенттігінің Атырау облысы бойынша департаментімен бірлесіп өткізілген іс-шараға облыс әкімі, комиссия төрағасы Серік Шәпкенов қатысып, барлық қатысушыларға сәттілік тіледі.

          Сұхбатқа қатысқан үміткерлер өздері таңдаған салалық бағыттары бойынша, атап айтқанда экономика және қаржы, индустрия және өнеркәсіп, агроөнеркәсіптік кешен және жер қатынастары, цифрландыру, тұрғын үй-коммуналдық шаруашылық және инфрақұрылым, әлеуметтік  салалар бағытында жоба қорғап, комиссия мүшелері тарапынан туындаған сұрақтарға жауап берді.

          Айта кету қажет, ағымдағы жылдың 1 наурызынан бастау алған іріктеуге 497 адам өтініш білдіріп, бұдан әрі іріктеу кезеңдеріне жіберілген болатын.

          Өз кезегінде, Ассессорлармен «Құзыреттерді бағалау» кезеңінен 38 үміткер оң нәтиже көрсетіп, сұхбат кезеңіне жіберілген.

Ақпарат көзі: ГУ «Аппарат акима Атырауской области»