2024 жылдың 7 айының қорытындысы бойынша өңірде барлық базалық макро көрсеткіштер бойынша оң динамика байқалады. Өңдеу өнеркәсібінің өсімі - 8,5%, 1,1 трлн. теңгеге өнім өндірілді. Жеңіл өнеркәсіп саласы (94,8%) және металл емес минералды өнімдер өндірісі (92,9%) сәл төмендеген.

Ауыл шаруашылығы саласының өнім көлемі 6,3%-ға (114,1 млрд. теңге) ұлғайды, соның ішінде мал шаруашылығы өнімдерінің өсімі қамтамасыз етілді (107,0%, 99,1 млрд. теңге). Жалпы сала бойынша дәнді дақылдардың өнімділігін арттыруды ескере отырып, барлық жоспарланған жылдық көрсеткіштерге қол жеткізу күтілуде.

Өңірдегі ішкі сауда 5,5%-ға өсті (737,9 млрд. теңге). Бөлшек сауда айналымы 5%-ға (346,6 млрд. теңге), көтерме сауда айналымы 5,6%-ға (387,7 млрд. теңге) артты.

Құрылыс жұмыстарының көлемі 139,1 млрд. теңгені құрады, бұл 2023 жылдың осы кезеңімен салыстырғанда 9,1%-ға артық. 176 мың шаршы метр тұрғын үйді пайдалануға беру қамтамасыз етілді (107,3%).Сонымен қатар, тұрғын үй-коммуналдық инфрақұрылымды дамыту тұжырымдамасы аясында өңірде 564 пәтерлі тағы 7 несиелік үй салу, сондай-ақ, жалпы сомасы 15,8 млрд. теңгеге 1029 жалға берілетін пәтер сатып алу жоспарланған.

Көлік секторында қызмет көрсету көлемі 7,8%-ға (157,6 млрд. теңге) ұлғайды. Бұл ретте теміржол көлігімен қатынайтын жолаушылар айналымының 3,6%-ға төмендегені байқалады.

Штаб жұмысының қорытындысы бойынша облыс әкімі Асайын Байханов статистикалық есепті тапсыруды бақылауда ұстауды, макрокөрсеткіштерге тұрақты мониторинг жүргізуді және қамтамасыз етуді, сондай-ақ, инвестициялық жобаларды уақытылы іске асыруды тапсырды.

Павлодар облысы әкімінің баспасөз қызметіСуреттерді түсірген Валерий Бугаев

Ақпарат көзі: ГУ «Аппарат акима Павлодарской области»