Сіздерді кәсіби мерекелеріңізбен құттықтаймын!

«Ұстаз» деген ұлы ұғымда ұлылық та, жылылық та бар.«Ұстаздық еткен жалықпас үйретуден балаға» деп һәкім Абай айтқандай, жас ұрпаққа ілім-білім үйретуден жалықпайтын мұғалімдердің еңбегі өлшеусіз.Ұстаздық – ең асыл мамандық. Біз мұғалімдерді құрметтейміз, өйткені олар жоғары деңгейдегі тұлға. Елімізде ұстаздар қашанда ерекше құрметке ие.

Шәкірт тәрбиелеуде алдына қойылған міндеттерді табысты жүзеге асыра алатын қабілетті, жоғары деңгейдегі білімді және талантты мұғалімдерді мақтан тұтамыз.

Өз уақытын аямаған, өзгенің бақытын аялаған ұстаздарымызға қандай мақтау, мадақ айтсақ та жарасады.

Дарынды да талантты, тәлімді де тәрбиелі шәкірттеріңіз көп болсын! Шаңырақтарыңызға шаттық, шығармашылық табыс тілеймін!

Мерейлі мерекелеріңіз құтты болсын, құрметті ұстаздар!

Ақпарат көзі: Абай облысының әкімдігі