РУДНЫЙ ИНДУСТРИЯЛЫҚ УНИВЕРСИТЕТІ ОҢТҮСТІК ӨҢІРЛЕРДЕ КӘСІПТІК БАҒДАР БЕРУ ЖӘНЕ ҚҰЖАТТАРДЫ ҚАБЫЛДАУ ЖҮРГІЗДІ

Рудный индустриялық университеті Шымкент қаласы мен Түркістан облысында кәсіби бағдар беріп, талапкерлердің құжаттарын қабылдау жұмыстарын жүргізді. Құжат қабылдауға университет ректоры Нұрбек Сапарходжаев та қатысты.

Сапар барысында ректор талапкерлермен және олардың ата-аналарымен кездесіп, барлық қызықтырған сұрақтарға жауап берді, университет ұсынатын мүмкіндіктер мен болашақ студенттердің алдында ашылатын перспективалар туралы айтты.

Оқуға түсу, оқу бағдарламалары және оқудан тыс қызмет мәселелері, сондай-ақ ғылыми және зерттеу жобаларына қатысу мүмкіндіктері талқыланды.

Сондай-ақ ректор ҚР Ғылым және жоғары білім министрінің кеңесшісі Руслан Емелбаевпен кездесті, кездесу барысында олар жоғары білім мен ғылымды дамытудың негізгі мәселелерін, оқытудың инновациялық тәсілдерін талқылады.

видео

Ақпарат көзі: Қазақстан Республикасы Ғылым және жоғары білім министрлігі