Құрылысшылар күні қарсаңында үздіктер марапатталды

10 Тамыз 2024 жылдың 56 Ақтөбе облысы ГУ «Акимат Актюбинской области»

Елімізде жыл сайын тамыз айының екінші жексенбісінде құрылысшылардың мерекесі тойланады. Атаулы күнге орай, құрылыс саласының дамуына елеулі үлес қосқан үздіктерге Қазақстан Республикасы Президентінің Жарлығымен бекітілген мемлекеттік наградалар, салалық министрліктің марапаттары табысталды.

Салтанатты шарада облыс әкімі Асхат Шахаров өңірдегі барлық құрылысшыларды кәсіби мерекелерімен құттықтады.

Облыс әкімі атап өткендей, құрылысшы ең құрметті мамандықтардың бірі болып қала береді. Шынында да, олардың арқасында қаламыз өсіп-өркендеп, мыңдаған отбасы өз баспаналарына қол жеткізуде.

«Бүгінде облыста құрылыс саласы қарқынды дамып, ел экономикасы, оның ішінде халықтың әлеуметтік жағдайының артуына айырықша ықпал етіп келеді. Республика көлемінде тұрғын үйді пайдалануға беру көрсеткіші бойынша алдыңғы үштікке еніп отыр. Жыл сайын 1 миллион шаршы метрден астам тұрғын үй пайдалануға берілуде. Аса маңызды мәселенің бірі халықты тұрғын үймен қамтамасыз ету. Биылғы жылы бюджет қаражаты есебінен 3 мыңға жуық отбасының баспаналы болуы үшін несиелік тұрғын үйлердің құрылысы жүргізілуде. Халықтың

әлеуметтік

осал топтарын тұрғын үймен қамтамасыз ету мақсатында бюджеттен 17,4 млрд теңге бөлінді. Нәтижесінде жыл соңына дейін кезекте тұрған 1200 отбасы баспаналы болады.

Құрылыс

компаниялары биыл бірқатар өңірде, соның ішінде Ақтөбе облысында болған су тасқынынан зардап шеккендерге көмек көрсетуге баға жетпес үлес қосты. Мемлекет басшысының тапсырмасына сәйкес, бүгінде зардап шеккен отбасыларға облысымызда 502 үй бой көтеріліп жатыр», - деді құттықтау сөзінде әкім.

Асхат Шахаров құрылыс саласының өкілдеріне кәсіби қызметтерінде өркендеу тілеп, марапаттарды табыстады.

Мемлекет басшысының Жарлығымен «Ақтөбе Строй Эксперт» ЖШС басшысы Жасталап Жанбауов «Құрмет», «ТенгриСтройИнвест» ЖШС басшысы Нұрбол Дошниязов пен «Ассер Партнер» ЖШС басшыысы Бибітәлі Жилибаев ІІІ дәрежелі

«Еңбек Даңқы», «Эдельвейс» ЖШС учаске басшысы Сатыбалды Қазбаев пен «Стройремсервис» ЖШС бригадирі Петр Лыткин «Ерен еңбегі үшін» медалімен наградталды.

Сонымен қатар, өңір басшысы сала ардагері Юрий Троицкийге «Облысқа сіңірген еңбегі үшін» төсбелгісін табыс етті. Сондай-ақ, бірқатар құрылысшы Өнеркәсіп және құрылыс министрінің «Құрмет грамотасы» мен алғыс хатын, облыс әкімінің алғыс хатын иеленді.

Шара барысында ардагер құрылысшылар Болат Егімбаев, Шамиль Каспранов құттықтау сөз сөйле

і.

Ақпарат көзі: ГУ «Акимат Актюбинской области»

Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме - https://t.me/gurkkz

Елімізде жыл сайын тамыз айының екінші жексенбісінде құрылысшылардың мерекесі тойланады. Атаулы күнге орай, құрылыс саласының дамуына елеулі үлес қосқан үздіктерге Қазақстан Республикасы Президентінің Жарлығымен бекітілген мемлекеттік наградалар, салалық министрліктің марапаттары табысталды. Салтанатты шарада облыс әкімі Асхат Шахаров өңірдегі барлық құрылысшыларды кәсіби мерекелерімен құттықтады. Облыс әкімі атап өткендей, құрылысшы ең құрметті мамандықтардың бірі болып қала береді. Шынында да, олардың арқасында қаламыз өсіп-өркендеп, мыңдаған отбасы өз баспаналарына қол жеткізуде. «Бүгінде облыста құрылыс саласы қарқынды дамып, ел экономикасы, оның ішінде халықтың әлеуметтік жағдайының артуына айырықша ықпал етіп келеді. Республика көлемінде тұрғын үйді пайдалануға беру көрсеткіші бойынша алдыңғы үштікке еніп отыр. Жыл сайын 1 миллион шаршы метрден астам тұрғын үй пайдалануға берілуде. Аса маңызды мәселенің бірі халықты тұрғын үймен қамтамасыз ету. Биылғы жылы бюджет қаражаты есебінен 3 мыңға жуық отбасының баспаналы болуы үшін несиелік тұрғын үйлердің құрылысы жүргізілуде. Халықтың әлеуметтік осал топтарын тұрғын үймен қамтамасыз ету мақсатында бюджеттен 17,4 млрд теңге бөлінді. Нәтижесінде жыл соңына дейін кезекте тұрған 1200 отбасы баспаналы болады. Құрылыс компаниялары биыл бірқатар өңірде, соның ішінде Ақтөбе облысында болған су тасқынынан зардап шеккендерге көмек көрсетуге баға жетпес үлес қосты. Мемлекет басшысының тапсырмасына сәйкес, бүгінде зардап шеккен отбасыларға облысымызда 502 үй бой көтеріліп жатыр», - деді құттықтау сөзінде әкім. Асхат Шахаров құрылыс саласының өкілдеріне кәсіби қызметтерінде өркендеу тілеп, марапаттарды табыстады. Мемлекет басшысының Жарлығымен «Ақтөбе Строй Эксперт» ЖШС басшысы Жасталап Жанбауов «Құрмет», «ТенгриСтройИнвест» ЖШС басшысы Нұрбол Дошниязов пен «Ассер Партнер» ЖШС басшыысы Бибітәлі Жилибаев ІІІ дәрежелі «Еңбек Даңқы», «Эдельвейс» ЖШС учаске басшысы Сатыбалды Қазбаев пен «Стройремсервис» ЖШС бригадирі Петр Лыткин «Ерен еңбегі үшін» медалімен наградталды. Сонымен қатар, өңір басшысы сала ардагері Юрий Троицкийге «Облысқа сіңірген еңбегі үшін» төсбелгісін табыс етті. Сондай-ақ, бірқатар құрылысшы Өнеркәсіп және құрылыс министрінің «Құрмет грамотасы» мен алғыс хатын, облыс әкімінің алғыс хатын иеленді. Шара барысында ардагер құрылысшылар Болат Егімбаев, Шамиль Каспранов құттықтау сөз сөйледі.