Қазақстанның түкпір-түкпірінен келген жедел медициналық жәрдем бригадалары бүгін оқу-жаттығуларға қатысуда. Ауқымды іс-шара Петропавл қаласында өтуде.

Қатысушылар 4 станцияда алғашқы медициналық көмек көрсету шеберлігін көрсетулері тиіс, бұл ересектер реанимациясы, балалар реанимациясы, босану және жаңа туған нәрестелерді реанимациялау, сондай-ақ политравмалар.

Төтенше жағдай дәрігерлері дұрыс диагноз қою, емдеуді тағайындау және пациенттерді басқару тактикасында өз дағдыларын көрсетеді. Олар негізгі және кеңейтілген жүрек-өкпе реанимациясын жүргізуде, сондай-ақ шұғыл медициналық көмек көрсетуде өз білімдерін көрсетеді. Қорытындысы бойынша 20 команданың үздіктері анықталады.

«Жедел медициналық жәрдем қызметі денсаулық сақтау жүйесінің маңызды буыны болып табылады, оны ұйымдастырудың тиімділігі ана мен бала өлімі, ЖКО және жарақаттану, инфаркт, инсульт кезіндегі өлім жағдайлары сияқты маңызды көрсеткіштердің төмендеуіне тікелей әсер етеді. Оқу-жаттығулар еліміздің барлық шұғыл қызметінің дамуына айтарлықтай әсер етеді, жұмыстың озық әдістерін енгізуге, тәжірибе алмасуға және жоғары деңгейдегі кәсіпқойларды анықтауға ықпал етеді», - деп атап өтті Денсаулық сақтау министрі Ақмарал Әлназарова жарысқа қатысушылар алдында сөйлеген сөзінде.

Министр жедел жәрдем қызметінің барлық қызметкерлеріне зор еңбегі үшін алғысын білдіріп, команданың әрбір қатысушысына табыстар мен жеңіске деген ерік-жігер тілеп, пациенттер мен бүкіл денсаулық сақтау жүйесі үшін жалпы нәтиженің пайдасын атап өтті.  

«Ағымдағы жылы біздің облыста жедел және шұғыл медициналық көмек көрсетудің халықаралық стандарттарын дайындау бойынша жаттығу алаңының ашылуы өтті. Науқастардың өмірі мен денсаулығы жедел жәрдем қызметкерлерінің кәсібилігіне байланысты. Сондықтан мұндай жарыстарды өткізудің маңызы зор»,- деді Солтүстік Қазақстан облысының әкімі Гауез Нұрмұхамбетов.

Ұлттық шұғыл медицинаны үйлестіру орталығының оқу-тренинг орталығы басшысының айтуынша, жыл сайын қатысушыларға арналған тапсырмалар күрделене түседі және олардың барлығы үздік халықаралық тәжірибелердің талаптарына сәйкес орындалуы тиіс.

Кәсіби қазылар алқасы командаларды келесі критерийлер бойынша бағалайды: шұғыл көмек көрсету сапасы, оқиға орнын тексеру, шақыру орнында медициналық персоналдың жұмысын ұйымдастыру, пациенттерді алғашқы тексеру, жағдайды тану, пациентті тасымалдау және басқа да іс-шаралар.

Бригадаларды бағалау кезінде топтық жұмыс, ұйымшылдық, қызметкерлердің уақыт пен кеңістікте шектелген жағдайларда пациенттің өмірін сақтау үшін оңтайлы шешімдер қабылдау қабілеті, медициналық көмекті ұйымдастыру мен көрсетуде тактикалық шешімдер қабылдауда толықтығы, үйлесімділігі мен жеделдігі ескерілетін болады. Сонымен қатар, халықаралық деңгейдегі тәжірибелі нұсқаушылар шеберлік сыныптарын өткізеді.  

Жыл басынан бері жедел жәрдем бригадалары барлық санаттағы 4,2 млн-нан астам қоңырауға қызмет көрсетті, бұл өткен жылмен салыстырғанда 6,9% - ға артық. «Шұғыл жағдайды» шақырудың бірінші бестігінде тыныс алу органдарының аурулары көш бастап тұр - 981 057 жағдай, екінші орында қан айналымы жүйесінің аурулары - 814 926 жағдай, үшінші орында басқа аурулармен - 754 440 жағдай, төртінші орында неврологиялық диагноздар - 403 055 жағдай, бесінші орында – жарақаттар, жазатайым оқиғалар және 399 980 шақыруды құрайтын улану.

Қазақстанда жедел медициналық жәрдем қызметін 21 дербес станция, 93 қалалық қосалқы станция және 230 аудандық бөлімше ұсынады. Облыстық және қалалық станцияларда ауысымда 1 490 көшпелі бригада шұғыл көмек көрсетеді, оның ішінде 267 - мамандандырылған (дәрігерлік) және 1 223 - фельдшерлік.

Ақпарат көзі: Министерство здравоохранения Республики Казахстан