Сақтандыру (қайта сақтандыру) ұйымдарына қойылатын талаптарды күшейту туралы
Сақтандыру (қайта сақтандыру) ұйымдарына қойылатын талаптарды күшейту туралы
Қазақстан Республикасы Қаржы нарығын реттеу және дамыту агенттігінің (бұдан әрі – Агенттік) 2024 жылғы 29 тамыздағы № 73 қаулысымен «Сақтандыру (қайта сақтандыру) ұйымында сақталатын деректерге санкцияланбаған қол жеткізуден ақпараттың сақталуын және қорғалуын қамтамасыз ететін қауіпсіз жұмысты ұйымдастыруға, сондай-ақ сақтандыру (қайта сақтандыру) ұйымының киберқауіпсіздігіне қойылатын талаптарды бекіту туралы» Қазақстан Республикасы Ұлттық Банкі Басқармасының 2018 жылғы 30 шiлдедегi № 164 қаулысына өзгерістер мен толықтырулар енгізілді.
Қаулымен сақтандыру (қайта сақтандыру) ұйымына қашықтан қызмет көрсету үшін бағдарламалық қамтылымның қауіпсіздігі бойынша қосымша талаптар белгіленді. Талаптарға сәйкес сақтандыру (қайта сақтандыру) ұйымы бағдарламалық қамтылымды пайдалануға енгізгенге дейін оның бастапқы кодының қауіпсіздігіне талдау және анықталған кемшіліктерді жою жүргізеді.
Қаулымен сақтандыру (қайта сақтандыру) ұйымының веб-қосымшалары мен мобильдік қосымшаларын әзірлеу, сондай-ақ оларды пайдалану кезінде қауіпсіздікті қамтамасыз ету тәртібі қосымша айқындалған. Сақтандыру (қайта сақтандыру) ұйымының мобильдік қосымшаларының операциялық жүйенің қорғаныс тетіктерін бұзу белгілері анықталған немесе клиенттің құрылғысын қашықтан басқару анықталған жағдайда қашықтан қызмет көрсетуді бұғаттауы көзделеді.
Бұл нормалар сақтандыру (қайта сақтандыру) ұйымын бағдарламалық қамтылымның қауіпсіздігі нормаларын күшейтуге міндеттейді, ол, өз кезегінде, азаматтардың деректерін өңдеу кезінде қосымша қорғаныс болады.
Құжатта сақтандыру (қайта сақтандыру) ұйымын Агенттіктің салалық ақпараттық қауіпсіздік орталығының ақпарат алмасу жүйесіне қосу жөніндегі қосымша талаптар айқындалған, бұл онлайн-режимде сақтандыру (қайта сақтандыру) ұйымының ақпараттық қауіпсіздігін басқару жүйесінің жай-күйі, сондай-ақ ақпараттық қауіпсіздік оқиғалары және оқыс оқиғалар жөнінде ақпарат алуға мүмкіндік береді.
Агенттіктің сыртқы коммуникациялар Басқармасы
+7 (727) 237 1089
Ақпарат көзі:
Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме -
