ҚР Парламенті депутаттары алдымен жергілікті қоғам қайраткерлерімен және халық қалаулыларымен кездесті. Советбек Медебаев, Серік Шайдаров және Аманжол Әлтай жиналғандарға Парламент Палаталарының заң шығару қызметі туралы айтып, облыстағы өзекті мәселелерге қатысты пікір білдірді.

Мәслихат депутаттары мен Қоғамдық кеңес мүшелері өз кезегінде өңірдегі істердің жағдайы және халықты толғандыратын аса өткір проблемалар туралы айтып берді.

Бұдан әрі депутаттар «ЖСЖК» АҚ инженерлік құрамымен кездесті. Қызметкерлер кәсіпорынның жұмыс істеу мәселелерінен бөлек, қаладағы өзге де сұрақтарға алаңдаушылық білдіретіндерін жеткізді.

Кейін Сенат және Мәжіліс депутаттары Жезқазған қаласының шаруашылық-ауыз су тазарту құрылыстарын қайта құру жобасымен танысты, оның мақсаты: шаруашылық-ауыз суды тазарту мен дайындаудың жаңа технологияларын қолдану.

Халық қалаулылары Жезқазғанның жаңа Батыс ауданына магистральдық жылу желісінің құрылысымен және Үйтас-Айдос су құбырының құрылысымен танысты. Облыс орталығының тұрғындарын сапалы сумен қамтамасыз ету мақсатында диаметрі 800 мм және ұзындығы 51 км полиэтилен құбырларынан жаңа су құбыры салынуда.

Сәтбаев қаласында депутаттар Есқұла су құбыры құрылысының барысын (Жезқазған қаласын сумен жабдықтауды ескере отырып) және №1 жылу станциясының жаңа жылыту маусымына дайындығын тексерді. Халық қалаулылары орындалатын жұмыстардың сапасын сақтау қажеттігін және жылумен жабдықтау саласында іске асырылатын жобалардың аса маңыздылығын еске салды.

Ақпарат көзі: Ұлытау облысының әкімдігі