23 қыркүйекте Астанада вице-премьер Серік Жұманғарин Қытай коммунистік партиясы Орталық комитетінің (ҚКП  ОК) Бірыңғай фронт жұмыс бөлімі министрінің орынбасары және Бүкіл қытайлық өнеркәсіп және сауда федерациясы төрағасының бірінші орынбасары Шэнь Инмен кездесті.

Кездесу барысында вице-премьер Қазақстан мен Қытай арасындағы ынтымақтастықтың барлық бағыттары бойынша, әсіресе сауда-экономикалық қарым-қатынастары жоғары серпінін атап өтті.

«Қытай дәстүрлі түрде Қазақстанның ең ірі сауда серіктесі болып табылады және экономикасына инвестиция салатын үздік бес елдің қатарына кіреді. Өткен жылы Қазақстан мен Қытай арасындағы тауарайналымы 30%-ға өсіп, рекордтық 41 млрд АҚШ долларына жетті. Ағымдағы жылдың бірінші жарты жылдығының қорытындысы бойынша тауар айналымының өсуі шамамен 20%-ды құрапо тыр», - деп мәлімдеді Серік Жұманғарин.

2005 жылданбастап Қытайдан Қазақстанға құйылған жалпы инвестиция көлемі 25 млрд АҚШ долларына жуықтады. Тек өткен жылы тікелей қытайлық инвестициялар көлемі 15%-ға өсіп, 1,6 млрд АҚШ долларынан асты. Бүгінде бірлескен инвестициялық жоба саны 90-нан асып, энергетика, тау-кен металлургия кешені, машина жасау, электротехника, ауылшаруашылығы, көлік инфрақұрылымы, білім беру, туризм және басқа да салаларды қамтиды.

Серік Жұманғарин қытай бизнесін бірлескен жобаларға қатысуға шақырды.

«Бүгінде біздің еліміздің аумағында қытай капиталының қатысуымен 3000-ға жуық бірлескен компания табысты жұмыс істеуде. Олардың төрттен біріне жуық соңғы жылы ғана қосылды. Бұл қытай іскер топтардың Қазақстандағы бизнес-климатқа жоғары сенім білдіретінін және біздің серіктестігіміздің тұрақтылығын дәлелдейді», - деп атап өтті вице-премьер.

Серік Жұманғарин өзара іс-қимылдың әлеуетін күшейтудің кең ауқымды бағыттарын атап өтті. Қант саласын дамыту шеңберінде – қант зауыттарының құрылысына инвестициялау. Сондай-ақ ол астықты терең өңдеу кәсіпорындарының санын арттыруға қызығушылық бар екенін атап өтті. Өз кезегінде Қазақстан ұқсас және басқа да инфрақұрылымдық жобаларды жүзеге асыруға барынша қолдау көрсетуге дайын екенін айтты.

Анықтама:

1953 жылы құрылған Бүкілқытайлық өнеркәсіп және сауда федерациясы (ACFIC) – Қытайдың халықтық ұйымы және үкіметтік емес сауда палатасы. ҚХР-ның өнеркәсіпшілері мен бизнесмендерінен тұрады. ACFIC штаб-пәтері Бейжіңде орналасқан. Федерацияның провинциялық, муниципалдық және аудандық деңгейлерде 3200-ден астам жергілікті бөлімшелері, сондай-ақ қалалық аудандарда, қауымдастықтар мен ауылдарда 5,5 миллионға жуық бастапқы бөлімшелері бар. Федерация бүкіл ел бойынша 5,1 миллион тіркелген мүшеден тұрады.

2023 жылы Қазақстанның Қытаймен тауар айналымы 31,5 млрд АҚШ долл. (+30,1%) құрады. 2024 жылдың қаңтар-маусым айларында – 14,1 млрд АҚШ долл. (+3,8%) құрады.

Ақпарат көзі: Министерство торговли и интеграции Республики Казахстан