2024 жылғы 2 қыркүйекте Алматы облысының «Тамғалы Тас» шатқалында орналасқан ҚР ТЖМ «Жартасты қала-Астана» оқу-жаттығу полигонында бір күн бұрын келген шетелдік қатысушылардың қатысуымен «Скала-2024» ҰҚШҰ-ға мүше мемлекеттердің құтқару бөлімшелерімен арнайы жаттығулар өткізілуде.

Оқу-жаттығуға ҰҚШҰ-ға мүше мемлекеттердің төтенше жағдайлардың алдын алу және олардың салдарын жою саласында уәкілеттік берілген органдардың құтқару бөлімшелері Беларусь Республикасы, Қазақстан Республикасы, Қырғыз Республикасы, Ресей Федерациясы қатысады. Қатысушы құтқарушылар полигонға жайғасты.

Полигонда лагерь, далалық ас үй, асхана, конференц-зал, модульдік типтегі үйлер, құтқарушыларға арналған жаттығу базасы, оқу нүктелері орналастырылған.

Құтқарушылар жоспарланған оқу орындарында жойқын жер сілкінісі салдарын жойған жағдайда іс-қимыл бойынша дағдылар мен шеберлікті пысықтауда. Бұл химиялық қауіпті объектідегі, теміржол көлігіндегі апат кезіндегі практикалық жаттығулар, үйінділерден зардап шеккендерді іздеу, әуе авиациясын қолдана отырып, десанттау, таудағы және судағы авариялық-құтқару жұмыстары және т. б.

Оқу-жаттығулар ҰҚШҰ-ға мүше мемлекеттердің құтқару бөлімшелерінің төтенше жағдайлары туындаған кездегі өзара іс-қимылдың тиімділігін арттыруға бағытталған. Оқу-жаттығудың тақырыбы «Орталық Азиядағы жойқын жер сілкінісі салдарынан туындаған төтенше жағдайларды жою».

Ақпарат көзі: Министерство по чрезвычайным ситуациям Республики Казахстан