Облыс әкімінің орынбасары Ғалымжан Елеуов «Ақтөбе» ӘКК» АҚ, Ауыл шаруашылығы және жер қатынастары басқармасы, сондай-ақ кәсіпкерлік басқармасымен бірлесіп, облыстың тұрақтандыру қорына бау-бақша өнімдерін жеткізуге келісімшарттары бар ауыл шаруашылығы кәсіпорындарының көкөніс алқаптарын тексерді. Картоп, қырыққабат, пияз және сәбіз күзгі-қысқы кезеңде әлеуметтік бағамен сатылады.

Көкөністерді тұрақты жеткізушілердің бірі - «Пригородный СХФ» ЖШС. Агрофирма басшысы Степан Гайдар айтқандай, мұнда картоптың голландиялық «романо» және «гала» сұрыптары өсіріледі. Сарапшылардың пікірінше, күтім жасалады, суару қамтамасыз етілген, өнімнің сапасы жақсы болатыны сөзсіз.

Сонымен қатар, ауыл шаруашылығы өндірушілерінің суару, жұмыс күші, субсидиялауға қатысты проблемалық мәселелері талқыланды.

Облыстың тұрақтандыру қорын барлығы 6 208 тонна картоп, 1200 тонна сәбіз, 1263,1 тонна қырыққабат және 1249,1 тонна пиязбен толықтыру жоспарлануда. Көкөністерді сатып алуға 1 034,0 млн теңге бөлінді.

Ақпарат көзі: ГУ «Акимат Актюбинской области»