ШҚТУ ПОСТДОКТОРАНТТАРЫ «ЖАС ҒАЛЫМ» ЗЕРТТЕУ ГРАНТТАРЫН ЖЕҢІП АЛДЫ

  «Жас ғалым» байқауының қорытындысы бойынша Д.Серікбаев атындағы ШҚТУ-дың 12 постдокторанты өздерінің зерттеулерін қаржыландыруға грант жеңіп алды.

  Жеңімпаздар «Экология, қоршаған орта және табиғатты ұтымды пайдалану», «Энергия, озық материалдар және көлік», «Озық өндіріс, цифрлық және ғарыштық технологиялар», «Елдің зияткерлік әлеуеті» сияқты төрт басым бағытта өз жобалары бойынша жұмыс істейтін болады.

  «Экология, қоршаған орта және табиғатты ұтымды пайдалану» бағытында ғалымдар қалдықтарды қайта өңдеу әдістері мен олардың аймақ экологиясына әсерін зерттеуді жоспарлап отыр. Жобалар табиғатқа экологиялық жүктемені азайтуға ықпал ететін материалдарды кәдеге жарату мен қайта пайдаланудың тиімді технологияларын әзірлеуге бағытталатын болады.

  «Энергия, озық материалдар және көлік» саласында ғалымдар жаңа энергетикалық технологиялар мен материалдарды әзірлеуге қатысты жобаларға назар аударады. Бұл зерттеулер Қазақстанды жаңартылатын энергия көздері мен тұрақты көлік шешімдері саласында ілгерілетуге көмектеседі.

  «Озық өндіріс, цифрлық және ғарыштық технологиялар» бағытында жас ғалымдар озық өндіріс тәжірибесімен және цифрлық технологиялармен байланысты жобалармен айналысады. Өндірістік процестерді автоматтандырудың жаңа тәсілдерін әзірлеу олардың тиімділігін едәуір арттыруға мүмкіндік береді. Ал үлкен деректерді талдауда жасанды интеллектіні қолдану өндіріс жүйелерін жақсартады.

  «Елдің зияткерлік әлеуеті» саласында ШҚТУ қызметкерлері адами капиталды және білім беру технологияларын дамытуға бағытталған жобаларды – инновациялық білім беру технологияларын оқу процесіне интеграциялау әдістерін және балалар мен жастардың зияткерлік қабілеттерін дамытуға байланысты ақпараттарды зерттейтін болады.

  Болашақта ғылыми жобаларды әзірлеу ШҚТУ ғылыми мектебінің өсуіне ықпал етеді, ал бұл бағытта жас ғалымдардың жетістіктері ғылымның жаңа мүмкіндіктерін ашуға көмектеседі.

Ақпарат көзі: Қазақстан Республикасы Ғылым және жоғары білім министрлігі