Шалқар ауданының Қаратоғай ауылында жаңа медициналық пункт ашылып, жергілікті тұрғындар үшін сапалы медициналық қызметтер қолжетімді бола түсті.

Айта кету керек, медициналық нысан «Ауылдық жерлерде денсаулық сақтауды жаңғырту» ұлттық жобасы аясында салынды.

Ашылу салтанатына аудан әкімінің орынбасары Сұлтан Джуманов, облыстық денсаулық сақтау басқармасы басшысының орынбасары Мұратжан Қажғалиев және ауыл тұрғындары қатысты.

Медициналық мекемеде ауыл тұрғындарының денсаулығын жақсартуға үшін қажеттінің бәрі бар, құрал-жабдықтармен қамтылған. Құрылысқа 139,8 млн теңге бөлінді.

Шара барысында аудан әкімінің орынбасары Сұлтан Джуманов ауыл тұрғындарын құттықтап, жаңа медициналық пункттің ауылдағы өмір сапасын арттырудағы маңыздылығын атап өтті.

Өз кезегінде облыстық денсаулық сақтау басқармасы басшысының орынбасары Мұратжан Қажғалиев бұл нысанның ауылдық жерлердегі медициналық қызметтердің қолжетімділігін жақсартуға бағытталғанын және тұрғындардың денсаулығын нығайтудағы рөлі ерекше екенін айтты.

t.me/aqtobe_oblysy_akimdigi

Ақпарат көзі: ГУ «Акимат Актюбинской области»