Шет ауданында "Алаш" қозғалысының белсендісі, ақын және жазушы Сәкен Сейфуллинге орнатылған ескерткіш қалпына келтірілді. Сондай-ақ, қоғам қайраткері туып-өскен үйдің жанындағы ескерткіш тақта жаңартылды.

Жазушының кіші отанында, Қарашілік қыстағында жазушының 120 жылдығына орай ескерткіш орнатылған болатын, жылдар өте келе оның тозығы жетті. Бұрын биіктігі бір метрден әрең асатын тұғыр толығымен ауыстырылды. Үш метрге жуық жаңа тұғыр гранит таспен қапталған. Бюст қола түске боялды. 

Сондай-ақ, ескерткіштің айналасына қырлы тас төселіп, орындықтар, жарықтандыру тіректері және жаңа қоршау орнатылды.

– Сапалы материалдар пайдаланылды, күн батареяларымен қуаттанатын жарықтандыру, орындықтар орнатылды. 

Жазушының ата-анасы бұрын тұрған үйдің аумағы да абаттандырылды. Қазір онда үйдің тек іргетасы ғана қалды, ол қайтадан құйылып, әктелді. Үйдің жанындағы мемориалдық тақта жаңартылды, – деді Ортау ауылдық округінің әкімі Досан Қуанышбеков.

Сәкен Сейфуллиннің туған жерінде ескерткіштің ашылуына орай белгілі ғалымдар, ақындар, жазушылар, қоғам қайраткерлері жиналды.

Ақпарат көзі: ГУ «Аппарат акима Карагандинской области»