Шетелдік студенттер Аризона университетімен қос диплом бағдарламасына оқуға түсуде

Егор Рохин Қозыбаев университетіне Ресейдің Екатеринбург қаласынан келді. Ол Аризона университетімен «Білім берудегі ақпараттық жүйелер» бағытында қос диплом бағдарламасы бойынша оқуды жоспарлап отыр.

IT саласына 7-сыныптан бастап қызығушылық танытады. Жас түлек қазіргі таңда IT-ді, әлемдегі ең перспективалы салалардың бірі деп санайды. Сонымен қатар, қазақстандық және американдық екі диплом, жұмысқа орналасу мүмкіндігін айтарлықтай арттырады.

Айта кетейік, Қозыбаев университетіндегі шетелдік студенттер үшін Аризона университетімен серіктестік бағдарламаларда оқытудың ақылы түрі қолжетімді.Өз кезегінде қазақстандық талапкерлер грантқа түсе алады. Биыл 1200 грант бөлінді.

Ақпарат көзі: Қазақстан Республикасы Ғылым және жоғары білім министрлігі