Ақмола облысында бизнестің әлеуметтік жауапкершілігінің мысалдары көп. Кәсіпкерлер әлеуметтік нысандар салып, инфрақұрылымды жақсартып, демеушілік көмек көрсетуде.

Атбасар ауданындағы «Шуйское XXI» ЖШС - ірі ауыл шаруашылығы кәсіпорындарының бірі. 800-ден астам адам тұратын аттас ауылда ЖШС қаражаты есебінен жолдар жөнделді, көшелер жарықтандырылды, мектеп пен ауылдың мәдениет үйіне күрделі жөндеу жұмыстары жүргізілді, жаңадан спорт кешені салынды, онда республикалық деңгейде спорттық турнирлер өткізілуде. Сонымен қатар, оқушылар мен мектеп ұжымы ыстық тамақпен толық қамтамасыз етілген. Жас мамандар үшін тұрғын үйлер салынды. Серіктестік соңғы үш жылда Шуйское ауылын дамытуға 5 миллиард теңгеге жуық қаржы құйған.

Атбасар ауданына жұмыс сапары аясында облыс әкімі Марат Ахметжанов ауылдағы бірқатар нысандарды аралады.

ЖШС директоры Алтынбек Құрманқұлов егін жинау науқанының барысына тоқталып, жаңадан салынған көкөніс сақтайтын қойманы көрсетті. Жобаның аймақ үшін стратегиялық маңызы зор, өйткені ол жаңа өнім алғанға дейін 10 мың тоннадан астам жеміс-жидек пен көкөністі сақтауға мүмкіндік береді.

«Жаңа өнеркәсіптік нысан толығымен автоматтандырылған. Негізгі компонент - желдету, салқындату және жылыту жүйелерінің жабдықтары. Барлық процестер арнайы сенсорлар арқылы тәуелсіз бақыланады. Температуралық жағдайлар сақталады. Көкөністің әр түріне бөлек бөлім бар», - деп таныстырды кәсіпкер.

Айтпақшы, серіктестік егін шаруашылығымен, мал шаруашылығымен, сүт өндірумен айналысады. Биылғы көктемгі егіс көлемі шамамен 30 мың гектарды құрайды. 300 басқа арналған заманауи сүт фермасында 2024 жылдың бірінші жартыжылдығында 1250 тонна сүт өндірілді. Шаруашылықта 946 бас ірі қара, 596 жылқы бар.

Ақпарат көзі: ГУ «Аппарат акима Акмолинской области»