ҚР Әділет министрлігі Аппарат басшысы Сандугаш Ерсеитованың бұйрығына сәйкес Айнұр Исабекова Шымкент қаласы Әділет департаментінің басшысы лауазымына тағайындалды.

ҚР Әділет вице-министрі Бекболат Молдабеков Шымкент қаласы Әділет департаментінің жаңа басшысын ұжымға таныстырды.

Айнұр Исабекова осыған дейін Шымкент қаласы Әділет департаменті басшысының орынбасары болған.

Бекболат Молдабеков жаңа басшыға министр Азамат Есқараевтың тапсырмасына сәйкес, алдағы уақытта халықтың құқықтық мәдениетін арттыру, зияткерлік меншік құқығын қорғау және атқарушылық өндірісті қамтамасыз ету бойынша ауқымды жұмыстар жүргізу қажеттігіне тоқталып, қызметіне сәттілік тіледі.

Ақпарат көзі: Министерство юстиции Республики Казахстан