Шығыс Қазақстан облысының әкімі Ермек Көшербаев Қазақстан Республикасының Сауда және интеграция министрі Арман Шаққалиевпен кездесті.

    Кездесу барысында ауыл шаруашығын мемлекеттік қолдау шараларына қатысты бірқатар сұрақтар көтерілді.

 ⁃ Егін шаруашылығын да, мал шаруашылығын да, әсіресе терең өңдеумен айналысатын өндірушілерді қолдау керек. Кез келген ауылдық дүкенге барсаңыздар, жергілікті өнімдердің ассортименті өте аз екенін көресіз. Бірақ өңірде Шығыс Қазақстанның брендтеріне айналған өндірістер көп. Сондықтан шағын және орта бизнесті дамытып жұмыс істеулері үшін мүмкіндіктер жасап көмектесу керек», - деді Ермек Көшербаев.

     Арман Шаққалиев өз кезегінде Сауда және интеграция министрлігінде отандық бизнесті қолдау және субсидиялау мәселелерімен айналысатын ахуалдық орталық бар екенін атап өтті.

     Айта кетейік, бұған дейін Арман Шаққалиев қуаттылығы жылына 169 мың тонна «Алтай Май» зауытының құрылыс барысымен танысқан болатын. Сондай-ақ «Гостиный двор» сауда кешеніне барды . Аталмыш орталық Қазақстан мен ҚХР арасындағы сауда-логистикалық қатынастардың дамуына жаңа серпін беріп, жергілікті тауар өндірушілерге қолдау көрсететін болады.

Ақпарат көзі: ГУ «Аппарат акима Восточно-Казахстанской области»