Қорғаныс министрлігі «Қазақстан Республикасы Қарулы Күштері, басқа да әскерлері мен әскери құралымдары әскери бөлімі мен мекемесінің Жауынгерлік Туына Қазақстан Республикасы Президентінің Грамотасы бланкісінің сипаттамасы мен үлгісін бекіту туралы» ведомство басшысының бұйрығының жобасын дайындады.

Нормативтік құқықтық акт ҚР Президенті Әкімшілігі Басшысының Жауынгерлік Туға үлгілік грамотаның үлгісін әзірлеу және бекіту туралы тапсырмасы бойынша Мемлекеттік күзет қызметі, Ұлттық қауіпсіздік комитеті, Ішкі істер және Төтенше жағдайлар министрліктерімен бірлесіп, Ел Президентіне қол қоюға енгізу мақсатымен дайындалып отыр.

Құжат ҚР Үкіметінің 2022 жылғы 2 маусымдағы қаулысымен бекітілген Қорғаныс министрлігі туралы Ереженің 15-тармағының 265) тармақшасы негізінде әзірленді. Оны қабылдау ҚР Президентінің Қарулы Күштердің, басқа да әскерлер мен әскери құралымдардың әскери бөлімі мен мекемесінің Жауынгерлік Туына арналған грамота бланкісін ресімдеу мен ұстаудың біркелкілігіне әкеледі.

Бұйрық жобасының толық мәтінімен «Электрондық үкімет» порталында «Ашық НҚА» бөлімінде биылғы жылдың 4 маусымына дейін мына сілтеме бойынша танысуға болады: https://legalacts.egov.kz/npa/view?id=15062094

Ақпарат көзі: Министерство обороны Республики Казахстан