Атырау облысы Дін істері басқармасының қолдауымен "Жәрдем- Атырау" корпоративтік қорының ұйымдастыруымен «Мемлекетке, оның конституциялық құрылымына қарсы бағытталған іріткі салатын идеологияға қарсы іс-қимыл, діни экстремизм мен терроризмді, оның кез келген түрлері мен көріністерін қабылдамау атмосферасын жасау» тақырыбында Х.Досмұхамедов атындағы Атырау университетінің әскери кафедрасының аяқтаушы студенттерінің арасында кездесу өтті.

Кездесуге АТТ мүшесі, «Жәрдем-Атырау» КҚ-ның теолог- маманы Қалмазұлы Ринат қатысты.

Кездесу барысында АТТ мүшесі ҚР «Әкімшілік құқық бұзушылық туралы» Кодексінің 453 және 490 баптарынан заңнамалар келтіре отырып, қолданылатын шаралар туралы жалпы айтып өтті.

Теріс діни ағымдар мен радикалды топтардың зияндары,деструктивті діни ағымдардың ықпалымен күресте психологиялық күйдің саулығының маңыздылығы, білім мен тәжірибенің үлесі аясында ақпараттар келтірді.

Кездесу соңында жастар ойларын ортаға салып, өз сұрақтарына жауап алды.

Материал Атырау облысының Антитеррористік

комиссиясының ақпараты негізінде дайындалған

Ақпарат көзі: Қазақстан Республикасының Терроризмге қарсы орталығы