«Қазақстан Республикасының Қарулы Күштерінде, басқа да әскерлері мен әскери құралымдарында әскери қызмет өткеру қағидаларын бекіту туралы» Қазақстан Республикасы Президентінің 2006 жылғы 25 мамырдағы № 124 Жарлығына толықтыру енгізу туралы нормативтік құқықтық актінің жобасын дайындады.

Қағидалар 61-1-тармақпен толықтырылады. Норма тағайындау Президент Әкімшілігімен келісілетін бос әскери лауазымдарға міндеттерді уақытша жүктеу практикасын болдырмауға бағытталған. Қызметтік қажеттілік болған жағдайда бос лауазымдар бойынша міндеттерді уақытша атқару олардың орынбасарларының біріне, олар болмаған кезде – осы әскери басқару органдарының басқа лауазымды адамдарына жүктелетін болады.

Толықтыруды қабылдау меритократия қағидатын және әскери қызметшілердің жоспарлы мансаптық өсуін қамтамасыз етуге мүмкіндік береді.

Президент Жарлығы жобасының толық мәтінімен «Электрондық үкімет» порталында «Ашық НҚА» бөлімінде биылғы жылдың 3 маусымына дейін мына сілтеме бойынша танысуға болады: https://legalacts.egov.kz/npa/view?id=15060795

Ақпарат көзі: Министерство обороны Республики Казахстан