Сағадат Нұрмағамбетов атындағы Құрлық әскерлері әскери институтының алаңында емтиханның басталуына орай оқу орнының бастығы генерал-майор Бауыржан Ибатулиннің басшылығымен саптық байқау өтті. 

Ол жеке құрамды Мемлекеттік емтихан комиссиясы жұмысының басталуымен құттықтап, түлектерге емтихан тапсыру мен дипломдық жұмыстарды қорғау кезінде жоғары нәтижелерге қол жеткізуге тілектестік білдірді.

Саптық тексеруден кейін бірден алғашқы емтихандар басталды. түлектер мемлекеттік емтихан комиссиясының төрағалары мен мүшелеріне институт қабырғасында алған білімі және мамандық бойынша міндеттерді орындауға дайындығын дәлелдеуге тиіс.

Биыл 150-ге жуық түлек оқу орнын бітіргенін куәландыратын диплом алады. Олардың арасында Тәжікстанның бір өкілі бар. 

10-22 маусым аралығында мемлекеттік емтихан комиссиясының мүшелері жас офицерлерді дайындау ісіне өз еңбегін салған командирлер мен оқытушылардан, тәлімгерлер мен тәрбиешілерден тұратын үлкен ұжымның төрт жылдық жұмысын қорытындылайтын болады.

Ақпарат көзі: Министерство обороны Республики Казахстан