STIPENDIUM HUNGARICUM ГРАНТ ИЕГЕРЛЕРІНІҢ ТІЗІМІ ЖАРИЯЛАНДЫ

  2024-2025 академиялық жылға арналған үкіметаралық гранттар шеңберінде Венгрияның жетекші жоғары оқу орындарында оқуға арналған қазақстандықтардың тізімі жарияланды.

  Тең балл болған жағдайда жетім балаларға, бала кезінен мүгедектер мен мүгедек балаларға, көп балалы отбасыдан шыққан балаларға, ауылдық елді мекендерден келген үміткерлерге артықшылық берілді.

  Білім беру гранттарын беру туралы соңғы шешімді қабылдаушы тарап қабылдады.

  Грант оқу ақысын, стипендияны, жатақханада тұруды немесе жалға берілетін тұрғын үйге ақы төлеуді, сондай-ақ медициналық сақтандыруды қамтиды. Қосымша шығындарды грант иегерлері өз бетінше өтейді.

  Грант иегерлерінің толық тізімімен bolashak.gov.kz. ресми сайтынан таныса аласыздар.

Ақпарат көзі: Қазақстан Республикасы Ғылым және жоғары білім министрлігі