Облыс әкімінің орынбасары Димитрий Гариковтың төрағалығымен 2024 жылғы суға шомылу маусымы бойынша ТЖК комиссиясының отырысы өтті.

Кеңеске қала мен аудан әкімдіктері, Абай облысының білім басқармасы және облыстық төтенше жағдайлар департаменті қатысты.

Облыстық ТЖД басшысының орынбасары А.Н. Орымбаевтың халықтың суға шомылу аймақтарындағы нысандарды дайындау туралы баяндамасы тыңдалды.

Кеңес қорытындысы бойынша қала және аудан әкімдіктеріне тыйым салынған жерлерде тұрғындардың суға түсуіне жол бермеу, шомылуға рұқсат етілген орындарды қажетті инфрақұрылыммен жабдықтау, судағы қауіпсіздік ережелері туралы халыққа түсіндіру жұмыстарын жүргізу туралы бірқатар тапсырмалар берілді.

Ақпарат көзі: Абай облысының әкімдігі