Астрахан ауданында облыс әкімі Марат Ахметжановтың халықпен есептік кездесуі өтті.

Өңір басшысы өз сөзінде аудан белсенділеріне жанқиярлық еңбегі, патриотизмі және су тасқыны кезеңінде өзара көмек көрсеткені үшін алғысын білдірді. Атап айтқанда, қиын уақытта ауданда күшейтілген режимде 115 бірлік инженерлік және су айдау техникасы жұмыс істеп, 300-ге жуық адам жұмылдырылды.

«Ауданда, бүкіл облыс бойынша сияқты, су тасқыны салдарын жою бойынша жұмыстар белсенді жүргізілуде. Зардап шеккен 186 отбасы біржолғы әлеуметтік төлем алды, 93 отбасына мүліктік залал өтелді. Жақын арада 91 тұрғын үйді жөндеуге төлемдерді аяқтау жоспарлануда. Тұрғын үйі апатты деп танылған 34 отбасына жаңалары сатып алынды», - деп атап өтті М.Ахметжанов.

Облыс әкімі ауданның тиімді дамуына кедергі келтіретін проблемалық мәселелерді атап өтті. Олардың ішінде - ірі кәсіпорындардың болмауы, бидай өңдеудің төмен деңгейі, егістік алқабы бойынша аудан ең ірі бестікке кіргеніне қарамастан, өсімдік шаруашылығын әртараптандырудың әлсіздігі. Жалпы, ауданның өңірдің өнеркәсіптік өндірісінің жалпы көлеміне қосқан үлесі өте төмен – небәрі 0,3%.

«Ауданның жақсы әлеуеті - Астанамен, Қостанай облысымен, Қазақстанның батыс өңірлерімен және Ресеймен тікелей теміржол байланысы-толық көлемде пайдаланылмайды. Бұл қолда бар мемлекеттік қолдауды пайдаланудан айқын көрінеді. Айта кету керек, бұл бағыттағы жұмыс әлсіз жүргізілуде. Ауданның жоспарларында бірқатар жобалар бар, оларды іске асыру 63 жаңа тұрақты жұмыс орнын құруға мүмкіндік береді, алайда шағын және орта бизнесті дамыту шеңберінде қолдау тапқан жобалар жоқ. Бұл бірінші кезекте бизнестің ақпараттылығының нашар екенін көрсетеді», - деп атап өтті Марат Ахметжанов.

Өңір басшысы еске салды: қайтарылмайтын субсидиялардан басқа, жеңілдетілген кредиттеу және форвардтық сатып алу бағдарламалары жұмыс істейді, облыстың агроөнеркәсіптік кешенін дамытуға мемлекеттік қолдау көлемі 125 млрд теңгеден асты, оның ішінде 46,5 млрд – субсидия. Аудан бойынша биылғы жылы АӨК – ні мемлекеттік қолдауға 6 миллиардқа жуық қаражат жұмсалды, оның үштен бір бөлігі қайтарылмайтын субсидиялар. Фермерлер үшін мұндай шаралар сапалы тұқымдардың, минералды тыңайтқыштардың, өсімдіктерді қорғау құралдарының қолжетімділігін арттырады.

Облыс басшысы аудан әкімі Талғат Ерсейітовке ауыл шаруашылығының дамуына егжей-тегжейлі талдау жасауды және жағдайды жақсарту үшін қажетті шараларды қабылдауды тапсырды.

Ауданның әлеуметтік-экономикалық дамуына қосқан үлесі үшін бірқатар астрахандықтар алғыс хаттармен марапатталды.

Жеке қабылдауда аудан тұрғындары жолдарды жөндеу, жер учаскелерін алу, ауыл шаруашылығы құрылымдары мен жас мамандарға несие беру, мүгедектікті ресімдеу бойынша сұрақтар қойды. Жалтыр ауылының тұрғындары Марат Ахметжановқа балаларға арналған спортзал ашу туралы ұсыныс жасады.

Ақпарат көзі: ГУ «Аппарат акима Акмолинской области»