ҚР Үкіметінің отырысында облыс әкімі Нұрлан Ұранхаев аймақты сумен жабдықтау мәселесі туралы баяндады. Облыс халқының 92,8%-ы орталықтандырылған сумен қамтамасыз етілген (қала - 92,8% және ауылдық елді мекендер-92,9%)

Аймақтағы 607,5 мың тұрғынның 43 мыңнан астамы орталықтандырылған сумен қамтамасыз етілмеген. Семейді сумен қамтамасыз ету 91,5% құрайды.

Мәселені шешу үшін 2023 жылдан бері жоспарланған тоғыз нысан пайдалануға берілмек. Бұл жобаларға 6,6 млрд теңге бөлінді. Жоба жүзеге асқанда 16 мыңға жуық адам сумен қамтылады. Нәтижесінде көрсеткіш 96,5%-ға дейін артады.

Сонымен қатар, сумен жабдықтауды 100%-ға жеткізу үшін 2025 жылы тағы 11 мыңға жуық адамды қамтитын сегіз жаңа жоба іске асырылады.

Ақпарат көзі: Абай облысының әкімдігі