Сумен қамтамасыз ету: жаңа су құбыры бойынша жұмыстар жүргізілуде.

Бүгін Көкшетау қаласының Боровской және Юбилейный шағын аудандарында 3 ұңғыманы бұрғылау және жаңа су құбырын салу жұмыстары басталды. Медиативтік келісім аясында жүзеге асырылып жатқан бұл жоба қаланың едәуір бөлігі үшін сумен жабдықтаудың сапасы мен сенімділігін айтарлықтай жақсартуға бағытталған.

«Көкшетау Су Арнасы» кәсіпорнының мамандары төбешік маңында орналасқан жерасты су қабылдағышынан диаметрі 250 мм жаңа су құбырын салуда. Жоба аясында 500 м3 таза су резервуарларын қалпына келтіру жоспарланған.

“Жаңа су құбыры Боровской, Юбилейный және Бейбітшілік шағын аудандарының тұрғындары үшін, сондай-ақ шығыс өнеркәсіп аймағы кәсіпорындары үшін жоғары сапалы жерасты суының баламалы көзін қамтамасыз етеді. Жұмыстар аяқталғаннан кейін аумақты толық абаттандыру жоспарлануда.  Барлық жұмыстар жобалық құжаттамаға және барлық қажетті рұқсаттарға сәйкес жүргізіліп жатыр” деп атап өтті “Көкшетау Су арнасы” кәсіпорнының бас директоры Ю. Шенгальц.

Айта кетейік, Көкшетауда қосалқы жер асты сулары кен орнын іске қосу жобасын іске асыру 2024 жылдың тамыз айында басталып, ал атамыш аудандарда жұмыстар 2 апта бұрын басталған.

Ақпарат көзі: ГУ «Аппарат акима города Кокшетау»