Мемлекет басшысы Қасым-Жомарт Тоқаевтың білім және медицина саласындағы инфрақұрылымды жақсарту, қолжетімділікті арттыру бағытындағы тапсырмасына сәйкес, Түркістан облысында жүйелі жұмыс жалғасуда. Облыста демографиялық өсім жоғары. Қосымша 35 мың оқушы орынға тапшылық бар. Аталған мәселені шешу мақсатында биыл 50 мектептің құрылысы жүргізілуде. Оның ішінде жергілікті бюджет есебінен 21 мектептің құрылысы қолға алынды (7150 орын). Биылғы 11 айда оның 9-ы пайдалануға тапсырылды. Жыл соңына дейін 5-еуін тапсыру жоспарланып отыр. Қалған 7 нысан келесі жылға өтпелі. «Жайлы мектеп» жобасы шеңберінде 29 мектеп салынуда. 2024 жылдың 11 айында 6 мектеп пайдалануға тапсырылды, жыл соңына дейін 7 мектеп пайдалануға беріледі деп көзделген. Қалған 16 мектеп келесі жылға өтпелі. Жеке инвестиция есебінен 35 мектеп салынуда (6 230 орын). Биыл алғашқы рет көптен бері жөндеу көрмеген 300-ден астам білім мекемесіне жаңғырту жұмыстары жүргізілді. 193 білім нысаны ағымдағы жөндеу, 107 білім нысаны газға ауыстыру, 16 білім мекемесі күрделі жөндеу жұмыстарымен қамтылды. Өңірде «Ауылда денсаулық сақтауды жаңғырту» ұлттық жобасы аясында елді мекендерде 49 нысан соғылуда. 2024 жылдың 11 айында 41 медициналық нысан пайдалануға тапсырылды. Бұдан бөлек, 4 аурухана күрделі жөндеуден өтуде. Түркістан облысы әкімінің баспасөз қызметі

Ақпарат көзі: ГУ "Аппарат акима Туркестанской области"