Бұған дейін Талдықорған қаласының тұрғындары қаланың шығысқа шыға берісіндегі «Найман төбе» зиратына бұрылатын жолдың мәселесіне қатысты өтініш айтқан болатын. Тұрғындар бейіт басына бару үшін «Талдықорған – Қалбатау – Өскемен» автокөлік жолының қайта жаңғыртудан кейін І санаттағы, 4 жолақты жол болуына байланысты Қапалға баратын жол айырығына дейін 20 шақырымдай жүріп барып бұрылатын. Сондықтан тұрғындар мұның өздеріне біршама қолайсыздық туғызатынын айтып, мәселенің шешімен қолдау сұраған еді. Бұл мәселенің қалай шешілгені жайлы облыстық жолаушылар көлігі және автомобиль жолдары басқармасы басшысының орынбасары Жасұлан Қалтаев былай дейді:

- Қала тұрғындарының өтініштерін ескере келе, «Талдықорған – Қалбатау – Өскемен» автожолының 292 шақырымындағы бұрыннан бар жол айырығынан ары қарай «Найман төбе» зиратына баратын тікелей кірме жол жасалды. Яғни жол көлік айрығынан 1,4 шақырым болатын жол төселіп, жол пайдаланушылар сол арқылы ары қарай «Наймантөбе» зиратына жете алады. Жолдың жалпы ұзындығы 3 шақырым. Талдықорған қаласынан шыққан әрбір жол пайдаланушы жол айырығына дейін 15 шақырым, одан кейін оңға қарай бұрылып, «Наймантөбе» зиратына қарай 3 шақырым жол жүреді. Енді тұрғындарға Қапалдың жол айырығына дейін жол жүрудің қажеті жоқ. Сол сияқты зираттан 4 жолақты жаңа жолға шығу да қамтамасыз етілген, - дейді Ж. Қалтаев.

Жетісу облысы әкімінің баспасөз қызметі.

Ақпарат көзі: Жетісу облысының әкімдігі