Бүгін облыс орталығы Талдықорған қаласының «Жастар» спорт сарайында қала күніне орай және әсем қаламыз Талдықорғанның қала мәртебесін алғанына 80 жыл толуына орай, «Тaldyqorgan CUP» қала әкімінің кубогі үшін футзалдан ересектер арасында ашық турнирінің финалы өтті.Естеріңізге салсақ, ашық турнирдің бірінші күні ширек финалға «Сәнік Алматы» — «Алсьар-Мансур», «Қазақтелеком» — «Zhetysu Champions», «FC Bakanas» — «Қазавтожол» және «Қонаев» — «Zigi Zagi» командалары жолдама алған болатын.Бүгінде тартысқа толы жарыс жоғарғы деңгейде өтіп, ойын барысында үздік шыққан спортшыларда тысқары қалмай түрлі номинациялармен марапатталды.Финалдық бәсекеде, «Алсьар-Мансур» – «FC Bakanas» командалары кездесіп, 4:3 есебімен Алсьар-Мансур командасы турнир жеңімпазы атанып, 1 миллион теңге қаржылай сыйға ие болды.Жеңімпаздарға қала әкімі Ернат Бәзіл өз алғысын айтып, бұндай жарыстар дәстүрлі түрде өтетіндігін атап айтып, қала күнімен құттықтап ақжарма тілегімен жалғады.Екі күнге созылған турнирдің қорытындысы бойынша, І - орынды Алматылық «Альсар-Мансур» ие болды, ал ІІ - орын Алматының «FC Bakanas» командасына бұйырса, үштікті Талдықорған қаласының «Қазактелеком» командасы місе тұтса, төртінші орынды Алматыдан келген «Zigi Zagi» командасы алды.Айта кетейік, тартысқа толы жарысқа біздің өңірімізден бөлек, Алматы облысы және Алматы қаласының кәсіби спортшылардан құрылған 16 команда қатысты.

Ақпарат көзі: ГУ «Аппарат Акима города Талдыкоргана»