Атырау қалалық Жастар ресурстық орталығының жанынан құрылған«Jana jastar» волонтерлік ұйымының ұйымдастыруымен «Таза Қазақстан» бағдарламасы аясында «Бұл — менің ағашым» акциясы өткізілді,- деп хабарлайды Өңірлік коммуникациялар қызметі.

Акция барысында студенттер, оқушылар және белсенді жастардың қатысуымен«Шаңырақ» балалар үйінің ауласына 200 жеміс ағашы отырғызылды. Олардың қатарында шие, алма, алмұрт ағаштары бар.

- Бүгінгі шараның басты мақсаты — балалар үйінің ауласына жеміс ағаштарын егіп, өскелең ұрпаққа табиғатқа деген қамқорлық пен жауапкершілікті үйрету және ағаштарды күтіп-баптау арқылы еңбекке деген қызығушылықтарын ояту. Осы орайда наурыз айында алғашқы 100 ағашты отырғызсақ, бүгін, міне, қалғандары егілді. Осындай игі жұмыстар әлі де жалғасын табады,- деді Атырау қалалық Жастар ресурстық орталығы басшысының орынбасары Еркебұлан Мутигуллин.

Айта кетейік, егілген ағаштарды әрі қарай күтіп-баптау "Шаңырақ" балалар үйі тәрбиеленушілерінің жауапкершілігінде болмақ.

Ақпарат көзі: ГУ «Аппарат акима Атырауской области»