ҚР ҰҚК Маңғыстау облысы бойынша департаментінің терроризмге қарсы орталығы бөлімінің ұйымдастыруымен Маңғыстау облысының аумағындағы террористік тұрғыдан осал объектілердің қорғалуын қамтамасыз ететін 1 санаттағы күзет мекемелерімен «Терроризм актісін жасау қауіп-қатері не болмаса жасалған кезде күзет қызметі субъектілерінің алғашқы ден қою алгаритмін» түсіндіру бойынша  профилактикалық сабақ өткізілді.

Сонымен қатар, 2024 жылдың басынан ҰҚК Маңғыстау облысы бойынша департаментімен жүргізілген объектілік тәжірибелердің нәтижесі аясында анықталған кемшіліктерді алдағы уақытта болдырмау мәселесі қарастырылды.

Аталған іс-шарада облыс аумағындағы 1 санаттағы күзет мекемелерінің басшылары мен Маңғыстау облысы Полиция департаменті Күзет қызметін бақылау бөлімінің басшысы мен қызметкерлері қатысты.

Аталған оқу тәжірибенің мақсаты – ТТО объектілердің террористік сипаттағы қатерлер туындаған жағдайда күзет субъектілерінің іс-әрекеттерін жетілдіру болды.

ҚР ҰҚК Маңғыстау облысы бойынша

департаметінің ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы