2024 жылдың 6 маусымында Германия Федеративтік Республикасының ғылыми және сараптамалық делегациясымен су тасқыны қаупі мен су басудың алдын алу және оларды жою саласындағы неміс тәжірибесін зерделеу және алмасу мәселелері бойынша кездесу өтті.

Оған Төтенше жағдайлар, Су ресурстары және ирригация, Ауыл шаруашылығы, Экология және табиғи ресурстар министрліктерінің және Қазгидромет өкілдері қатысты.

Неміс делегациясы Германияда орын алған табиғи апаттың тәжірибесімен және су басу мен су тасқынына қарсы күрестің өзіндік әдістерімен бөлісті.

Сонымен бірге еліміздің дүлей зілзалалардың ықтимал тәуекелдеріне дайындығын бағалау, қажетті мәліметтерді, оның ішінде дүлей зілзалалардың тарихы туралы мәліметтерді жинау үшін консультация өткізілді.

Әртүрлі табиғи апаттар кезінде халықты уақтылы құлақтандыру және оқыту мәселелеріне ең үлкен назар аударылды.

ҚР ТЖМ Төтенше жағдайлардың

алдын алу департаменті

Ақпарат көзі: Министерство по чрезвычайным ситуациям Республики Казахстан