ТЖ министрі генерал-майор Шыңғыс Әрінов депутаттарға туристердің қауіпсіздігін қамтамасыз ету және оларға уақтылы көмек көрсету бойынша жекелеген нормалар енгізіліп жатқанын хабарлады.

  «Жыл сайын елімізге келетін туристердің саны артуда, ал олардың қауіпсіздігін қамтамасыз ету маңызды. Өткен жылғы статистика бойынша тек таулы жердің өзінде жүзден астам іздестіру операциясы жүргізілді. Бұл ретте туристердің тұрған жері анық болмағандықтан, іздеу жұмыстары қиындайды. Осыған байланысты туристердің қауіпсіздігін қамтамасыз ету және оларға уақтылы көмек көрсету бойынша жекелеген нормалар енгізілуде. Министрліктің аумақтық органдарына азаматтардың алдағы жүріп-тұру бағыттары туралы хабардар ету тәртібі және жетуі қиын туристік орындар тізбесі айқындалатын болады», - деп министр атап өтті.

  Жыл сайын ТЖМ еліміздің таулы жерлерінде туристерді іздеу бойынша 100-ден астам іздестіру-құтқару жұмысын жүзеге асырады.

  Бұл ретте құтқарушылар туристер жүріп өткен маршрутты білмей, іздеу иттерінің, әуе кемелерінің көмегімен жоғалған туристердің орналасқан жерін анықтау үшін ұшқышсыз ұшу аппараттарын пайдалана отырып, бірнеше күн іздейді.

  Құтқару бөлімшелерін туристердің қозғалыс бағыттары туралы ақпараттандыру бүкіл әлемде қабылданған тәжірибе болып табылады.

  ТЖМ тұрғындарға ыңғайлы болу үшін ақпараттандырудың әртүрлі тәсілдерін пайдаланады, бұл 101, 112 қоңыраулар, жеке турист пен туристік топтарды ТЖД ведомстволық интернет-ресурсында тіркеу, онда өтінімдерді толтыру үшін бөлімдер көзделеді, сондай-ақ ТЖМ-нің кез келген жақын аумақтық бөлімшесіне барып келуге болады.

  «Мұнайдың төгілуін жою бойынша уәкілетті органның теңіз ұйымы ұғымы» енгізілуде. Өткен жылы Министрлік «Теңіз жасағын» құрды. Өткен жылы Министрлік «Теңіз жасағын» құрды. Оның функциялары - Каспийде теңіз мұнай операцияларын жүргізетін инфрақұрылым объектілерінің қауіпсіздігін қамтамасыз ету. Бұл шаралар өндірісте авариялар мен инциденттердің туындауын азайтуға мүмкіндік береді», - деп Шыңғыс Әрінов хабардар етті.

ТЖМ ведомстволық бағынысты «Теңіз жасағы» АҚ бөлімшесін құру сенімді және ұзақ мерзімді әріптес ретінде бүкіл Каспий маңы секторының қауіпсіз дамуына айтарлықтай ықпал ететін болады.

Ақпарат көзі: Министерство по чрезвычайным ситуациям Республики Казахстан