Қазақстан Республикасындағы Адам құқықтары жөніндегі уәкілдің Қостанай облысына жұмыс сапары аясында Уәкіл кеңсесінің өкілдері мүмкіндігі шектеулі азаматтардың құқықтарын сақтау жағдайын бақылау мақсатында Арқалық қаласының Арнаулы әлеуметтік қызметтер көрсету орталығына барды.

Орталыққа бару барысында Уәкіл кеңсесінің өкілдері қызмет алушылардың жағдайымен танысып, науқастарға көрсетілетін көмектің сапасы мен тамақтануға, медициналық көмекпен қамтамасыз етілуге назар аударды. Қызмет алушылардың құқықтарын бұзу деректері жоқ екеніне көз жеткізді.

Кеңсе өкілдері көрсетілетін қызметтердің сапасын арттыру бойынша ұсыныстар мен ем алушы азаматтардың құқықтарын сақтау мәселелеріне қатысты кеңестер берді.Мүмкіндігі шектеулі азаматтардың құқықтарын қорғау - Қазақстан Республикасындағы Адам құқықтары жөніндегі уәкіл кеңсесі қызметінің басым бағыттарының бірі.

Ерекше қажеттіліктері бар азаматтардың құқықтарын қамтамасыз ету саласындағы мемлекеттік саясат мүгедектердің құқықтарын қамтамасыз ету және өмір сүру сапасын арттыру жөніндегі ұлттық жоспарға сәйкес жүзеге асырылады, ол Мүгедектердің құқықтары туралы конвенцияны ратификациялау бойынша еліміз қабылдаған міндеттемелерді іске асыруға бағытталған.

Ақпарат көзі: Қазақстан Республикасындағы Адам құқықтары жөніндегі уәкіл