Жеке кездесу барысында Адам құқықтары жөніндегі уәкілдің Шығыс Қазақстан облысы бойынша өкіліне ҚР ІІМ-не қарасты түзеу мекемелерінің бірінде жазасын өтеуші азаматтың анасы жүгінді.Ол қамауда отырған ұлының ұзақ уақыттан бері ауыратындығын, оған ота жасау керек екенін айтты.Өкіл түзеу мекемесіне ұсыныс жолдап, содан кейін сотталушы ауруханаға жатқызылып, ота жасалды.Сонымен қатар, Уәкілдің өкілі ШҚО денсаулық сақтау басқармасы емханасынан хирургиялық ем қабылдап шыққан сотталған азаматпен және оның анасымен жеке кездесті. Олар көрсетілген көмекке ризашылықтарын білдірді.Айта кету керек, 2023 жылдан бастап осы санаттағы азаматтарды тексеру, диагностика жүргізіп, ем қабылдау мүмкіндін қол жетімді ету үшін түрме медицинасы Қылмыстық-атқару жүйесінен Денсаулық сақтау министрлігіне берілді.

Ақпарат көзі: Қазақстан Республикасындағы Адам құқықтары жөніндегі уәкіл