UALIKHANOV UNIVERSITY ОҢТҮСТІК КОРЕЯЛЫҚ УНИВЕРСИТЕТПЕН БІРЛЕСІП КОРЕЙ ТІЛІН ОҚЫТАДЫ

 Бүгін Ualikhanov University халықаралық ынтымақтастық аясында Sookmyung Women's University-мен (Оңтүстік Корея) өзара түсіністік пен ынтымақтастық туралы меморандумға қол қойды. Бұл ынтымақтастық Корея қорының бағдарламасы аясында жүзеге асырылуда және университеттің оқу бағдарламасына корей тілі курстарын біріктіруге бағытталған.

 Студенттер корей тілін үйрену арқылы білімдерін толықтыруға мүмкіндік алады. Курс дәрістерін Сукмён қыздар университетінің білікті сарапшылары мамандандырылған білім беру платформасы арқылы құрастырады.

 Курсты іске қосу келесі күзгі семестрдің басына жоспарланған. Көкшетау университеті ректоратының пікірінше, корей тілін меңгеру студенттердің кәсіби және мәдени көкжиегін айтарлықтай кеңейтіп, Қазақстанда және одан тыс жерлерде халықаралық білім мен мансаптық өсудің жаңа перспективаларын ашады. Сондай-ақ корей тілін үйрену олардың академиялық және кәсіби дамуына айрықша әсер етеді.

Ақпарат көзі: Қазақстан Республикасы Ғылым және жоғары білім министрлігі