Энергетика вице-министрі Сұңғат Есімханов жұмыс сапарымен Павлодар облысында болып, Екібастұз қаласының тұрғындарымен кездесу өткізді.

Кездеу барысында Павлодар облысы елімізде электр энергиясын өндіру бойынша бірінші орында және республиканың барлық электр энергиясының шамамен 40% - ын қамтамасыз ететін, энергетика көзі болып табылатыны атап өтілді.

Облыстың электр станцияларының белгіленген электр қуаты шамамен 8 000 МВт. Жыл басынан бері электр энергиясын өндіру көлемі 20,2 млрд. кВтсағ құрады. Өңірдегі электр желілерінің ұзындығы 17 мың шақырымнан асады.

Қазіргі таңда Екібастұз ГРЭС-1-де №1 энергия блогы қалпына келтірілуде, бұл станцияның қуатын 4000 МВт-қа дейін арттыруға мүмкіндік береді. Жобаның аяқталуы ағымдағы жылы күтілуде.

Екібастұз ГРЭС-2-де 3 энергоблок салу жұмыстары жүргізілуде. Жобаны іске асыру станцияның қуатын 2027 жылы 1 520 МВт-қа дейін арттыруға мүмкіндік береді. Осы жобаны іске асыру құрылыс кезеңінде шамамен 1 400 жұмыс орнын және пайдалануға берілген соң 350-ден астам жұмыс орнын құруға мүмкіндік береді.

Ағымдағы жылы облыстың электр станцияларында 5 энергоблокта, 15 қазандықта, 5 турбинада күрделі жөндеу жұмыстары жоспарланған. Облыста жөндеу компаниясын бекітілген кестеге сәйкес жүргізу жоспарлануда.

Бүгінгі таңда АШМ-мен бірлесіп көктемгі дала жұмыстарына 250 мың теңге/тонна бағамен дизель отынын жеткізу бойынша МӨЗ-ге облыстарды бекіту кестесі белгіленді. Ауыл шаруашылығының тауар өндірушілеріне дизель отынын жөнелту келіп түскен өтінімдерге сәйкес басымдықпен жүзеге асырылады.

Кездесу барысында қала тұрғындары Екібастұз ЖЭО-дағы жөндеу жұмыстарының барысы, газбен қамтамасыз ету, электр энергиясының тарифтері бойынша өздерін алаңдатқан сұрақтарын қойып, оларға мардымды жауаптар алды.

Вице-министр Сұңғат Есімханов алдағы уақытта барлық өзекті мәселелер кезең-кезеңімен шешілетінін атап өтті.

Ақпарат көзі: Министерство энергетики Республики Казахстан