Қарағанды облысының 32 мыңнан астам тұрғыны Дүниежүзілік тазалық күні аясында сенбіліктерге қатысты. Жұмыла отырып, олар екі мың тоннадан астам қоқыс жинады.

Қарағандыда World clean up day шарасын 4 мыңнан астам тұрғын қолдады. Олар 59 гектар жерді тазалап, 521 тонна қоқыс жинады. 

Тек Пришахталық орман алқабынан белсенділер 53 қап қалдық шығарды. Бұл пластик, шыны және қағаз және қаңылтыр құтылар. Жиналған заттарды сұрыптап, олар қоқысты қайта өңдеуге тапсырды.

Сенбіліктің ең белсенді қатысушылары сыйлықтар алды.

Теміртауда 175 тонна қоқыс жиналды. 10 гектар жер тазартылды, оның ішінде Самарқанд су қоймасының жағалауы да қоқыстан арылды. 

Жағажайда жас эковолонтерлер 37 қап қоқыс жинап, бұралған тал көшеттерін екті.

– Жағалауды қоқыстан тазартуға № 16 Теміртау жалпы білім беретін мектебінің 5-ші және 11-ші сынып оқушылары, "Отражение" қоғамдық бірлестігі мен экология департаментінің өкілдері, сондай-ақ кәсіпкерлер қатысты. Біз қала тұрғындарын тазалықты сақтауға және су айдындарының жанында тәртіпті сақтау – біздің ортақ еңбегіміз бен жауапкершілігіміз екенін ұмытпауға шақырамыз! Келесі сенбілік орталық мешіт маңында өтеді, – деді "Отражение" ҚБ басшысы Елена Варганова.

Дүниежүзілік тазалық күнінде балқаштықтар да белсенді болды. 

Сенбілік кезінде екі мыңнан астам тұрғын 295 тонна қоқыс жинады.

Абай ауданында сенбілікке екі мыңнан астам адам қатысты. 

ҚТҚ полигонына 200 тонна қоқыс шығарылды.

Нұра ауданында қоқыстан 45 гектар тазартылып, 100 тоннадан астам қалдық жиналды.

Үш рұқсат етілмеген полигон жойылды. 

Акцияға барлығы 2500 мыңнан астам тұрғын қатысты.

Осакаров ауданында 60 гектардан астам жерден 105 тонна қоқыс жиналды.

"Сенбіліктер бізде барлық жерде өтті. Ауылдық округтердің тұрғындары белсенді қатысты. Сонымен қатар, жастардан қарт адамдар да қалысқан жоқ", – деді Осакаров ауданының әкімдігінде.

Облыс бойынша Дүниежүзілік тазалық күнінде барлығы 93 рұқсат етілмеген полигон жойылды. Сенбіліктерге 401 арнайы техника жұмылдырылды.

Ақпарат көзі: ГУ «Аппарат акима Карагандинской области»