20 қыркүйекте аймақтағы тұңғыш халықаралық қонақ үй Wyndham Residences Aqkol және Ақкөл ауыл шаруашылығы колледжі арасында әріптестік туралы меморандумға қол қою салтанатты рәсімі өтті.

Жастарды қолдау: Енді колледж студенттері әлемдік деңгейдегі қонақ үйде «Тағамдық қызмет көрсетуді ұйымдастыру» және «Тамақтандыруды ұйымдастыру» бағыттары бойынша нақты жұмыс жағдайында тәжірибелік сабақтардан өтіп, құнды тәжірибе мен дағдыларға ие болады.

Туризм басқармасының басшысы Андрей Подгурскийдің айтуынша, серіктестік қонақжай индустриясы саласының білікті мамандарын даярлауға септігін тигізіп қана қоймай, өңірдегі қызмет көрсету сапасын да арттыра түседі. Мұндай бастамаларды қолдау бизнестің өңір қауымдастығы мен экономикасын дамытудағы маңызды рөлін айғақтайды.

Меморандум өскелең ұрпақты қолдауға және өңірді дамытуға бағытталған әлеуметтік жауапты бизнес пен ұзақ мерзімді ынтымақтастықтың көрнекті үлгісі болды.

Ақпарат көзі: ГУ «Аппарат акима Акмолинской области»