ҒЫЛЫМ ЖӘНЕ ЖОҒАРЫ БІЛІМ МИНИСТРЛІГІ МЕН ERG ПАВЛОДАРДА ҒЫЛЫМИ-ИННОВАЦИЯЛЫҚ ХАКАТОН ӨТКІЗДІ

Бүгін Павлодар металлургия саласының проблемаларын талқылау орталығына айналды. Ғылыми-инновациялық хакатонда негізгі міндеттерді шешу және өнеркәсіпке инновацияларды енгізу үшін еліміздің ғылыми институттарының, ірі жоғары оқу орындарының және «Қазақстан алюминийі» АҚ (ERG құрамына кіреді) жетекші ғалымдары кездесті. Хакатонның бастамашысы ҚР Ғылым және жоғары білім министрлігі мен ERG ғылыми-зерттеу инжинирингтік орталығы болды. Кездесудің басты тақырыбы - «ҚР металлургиялық кәсіпорнын ғылыми-технологиялық дамыту».

ҚР Ғылым және жоғары білім вице-министрі Дархан Ахмед-Заки Хакатон Қазақстандағы ғылымды коммерцияландырудың инновациялық форматы екенін атап өтті. Ол ғылыми әзірлемелерді өндіріске белсенді енгізу қажеттілігін және технологиялық сын-қатерлерді шешу үшін ғалымдар мен өнеркәсіпшілердің күш-жігерін біріктірудің маңыздылығын атап өтті.

«Бүгінгі таңда біздің алдымызда іргелі зерттеулерді дамыту ғана емес, сонымен қатар ғылыми әзірлемелерді өндіріске белсенді енгізу міндеті тұр. Хакатон – бұл біздің ғалымдар мен өнеркәсіпшілер үшін нақты технологиялық қиындықтарды шешу үшін күш біріктірудің жақсы мүмкіндігі. Мұндай инновациялық форматтар елдегі ғылым мен технологиялық прогрестің табысты коммерциялануының негізі болып табылады», - деді ол.

Қазақстандағы ERG Бас директорының орынбасары Йохен Бербнер Хакатонның ғылыми-технологиялық даму картасын қалыптастыруға және отандық әзірлемелерге негізделген шешімдерді әзірлеуге көмектесетінін атап өтті. Ғалымдар мен өндірушілер жер қыртысының тереңінде жатқан Көктал бокситтерінің сипаттамаларын, оларды өндіру әдістерін, алюминий рудасындағы жоғары ылғалдылық мәселелерін, бокситтерді қайта өңдеудің инновациялық технологияларын және алюминийдің сапасын жақсарту жолдарын зерттеді.

Сондай-ақ алюминий зауыттарының жабдықтарын жаңғырту, алюминий өндірісінің қалдықтарын қайта өңдеу және Павлодар алюминий зауытының өнімдерінен галлий мен скандийді тиімді алу мәселелері талқыланды. Сарапшылар арнайы құрылған топтарда жұмыс істей отырып, айтарлықтай нәтижелерге қол жеткізуге бағытталған технологиялық ұсыныстар әзірледі.

Ақпарат көзі: Қазақстан Республикасы Ғылым және жоғары білім министрлігі