Абай облысының әкімі Нұрлан Ұранхаев қытайлық «Xinjiang Tengbo Thermal Power Co., Ltd» компаниясының өкілдерімен кездесті. Кездесуде көпқабатты үйлер салу, құрылыс оның ішінде кірпіш, пенопласт және ғимараттың қасбетіне қажетті материалдар шығаратын зауыт салу бойынша ынтымақтастықтың болашағы талқыланды.

Келіссөз барысында тараптарға ортақ негізгі мәселелер мен өңірде жаңа нысандарды орналастыру нұсқалары қарастырылды. Атап өтерлігі, компания жоспардағы жобаларын жеке инвесторлар есебінен жүзеге асырады.

«Xinjiang Tengbo Thermal Power Co., Ltd.» 2007 жылы 1 қазанда құрылған. Компания Боле қаласындағы ең ірі орталықтандырылған жылумен қамтушы кәсіпорын. Құрылғаннан бастап 2024 жылға дейінгі кезеңде компания қызмет көрсететін жылу аумағы - 11 есеге, яғни, 550 мыңнан 6,26 млн шаршы метрге дейін өсті. Тұтынушылардың саны 50 мың адамнан асты.

Бүгінде кәсіпорын активі 210 миллион юаньды құраса, жылдық кірісі 137 миллион юаньға жетеді. Компанияда 135 адам жұмыс істейді.

Ақпарат көзі: Абай облысының әкімдігі