Қармақшы  ауданының  Төретам  кентіндегі  №85  мектепте  «Жас құтқарушылар кадет сыныбының» ашылу салтанаты өтті. Мақсаты: оқушыларды  Отанды сүюге  тәрбиелеу, патриоттық сезімдерін нығайту, ойлау және іскерлік қабілеттерін қалыптастыру.

Кадет  сыныбын Қармақшы  ауданы білім бөлімінің  басшысы Гүлзира Абдазиева мен Төтенше жағдайлар бөлімінің бастығы  Өмірбек Сақтабаев ашып, оқушыларға Жас құтқарушылар куәлігін  табыстады.

Кадет сыныптарының негізгі бағыты: оқушыларды жан-жақты дамыту, оларға сапалы білім мен үлгілі тәрбие беру, оларды азаматтық және әскери қызметке дайындау, білім беру мен мәдениетті арттырудың озық үлгілерін жаңғырту. Егер болашақта олар осы мамандықты таңдаған болса, онда аталмыш сыныпта алған  теориялық білімдері оларға пайдалы болары сөзсіз. Ал, күнделікті тұрмыста және қоғам өмірінде кез-келген адамның қауіпсіздік қағидасын білуі және құтқарудың әдіс-тәсілдерін меңгере білуі құба-құп.

Бүгінгі таңда облыс бойынша бес кадет сыныбы ашылды, осы бағыттағы жұмыс жалғасуда.

Қызылорда облысының ТЖД

Қармақшы ауданының ТЖ бөлімі

Ақпарат көзі: Министерство по чрезвычайным ситуациям Республики Казахстан