Қызылорда облысының Өңірлік коммуникациялар қызметінде өрт қауіпсіздігі айлығының өткізілу барысы туралы брифинг. Спикер ТЖД Мемлекеттік өрт бақылау басқармасының бастығы Асхат Оразбеков болды.

Спикер 2024-2025 жылдардағы жылу беру маусымына дайындық жөнінде, көмірқышқыл және табиғи газға улану жағдайлары туралы айтты. Өткен 2023-2024 жылдардағы жылу беру маусымында тұрғын секторларда 91 өрт орын алған, өрт оқиғасы салдарынан 4 адам қаза болған, 2 адам  жарақат алған.

Профилактикалық түсіндірме жұмыстарын атқару үшін 86 218 тұрғын үй секторының ауласын аралады. 319 рет жиын ұйымдастырылып, электр және газ жабдықтарын, пештерді және газ пештерін орнату, қолдану ережесі туралы түсіндірілді.

«Атамекен» Ұлттық кәсіпкерлер палатасында Өнеркәсіптік қауіпсіздік департаменті мен Газ шаруашылығы саласындағы ұйымның өкілдерінің қатысуымен газ тұтыну жүйелері мен газ жабдықтарын пайдаланудағы қауіпсіздік тақырыбында дөңгелек үстел ұйымдастырылды.

Қызылорда облысы ТЖД

Ақпарат көзі: Министерство по чрезвычайным ситуациям Республики Казахстан