Азияның конституциялық соттары мен теңестірілген институттары қауымдастығының VI Конгресі шеңберінде Қауымдастық мүшелері кеңесінің Қауымдастыққа келесі төрағалық ету мәселелерін талқылау бойынша отырысы өтті.

Қатысушы елдер бірлескен шешіммен 2025-2027 жылдары Өзбекстан Конституциялық Сотына және 2027-2029 жылдары Филиппин Жоғарғы сотына төрағалық ету туралы бастамаларды қолдады.

Анықтама: Қауымдастық 2010 жылы Азияның конституциялық әділет органдарының аймақтық форумы ретінде құрылды. Қауымдастықтың мақсаты адам құқықтарын қорғауды насихаттау, демократияға кепілдік беру, заңның үстемдігін, конституциялық соттар мен теңестірілген мекемелердің тәуелсіздігін, қатысушылар арасында ынтымақтастық пен тәжірибе мен ақпарат алмасуды қамтамасыз ету болып табылады. Қауымдастық Жарғысының 14-бабына сәйкес Қауымдастық президенті келесі Конгресті ұйымдастыратын мүшенің Президенті немесе басшысы болуы керек. Келесі төрағалық ету туралы мәселе Қауымдастық мүшелері кеңесінің отырысында талқыланады, онда төрағалық еткісі келетін қатысушы елдер төрағалық етуге ниет білдіретінін мәлімдейді. Қазіргі уақытта қауымдастыққа 21 мемлекет қатысады.

Осы жылдар ішінде Қауымдастыққа Корея (2010-2012 жж.), Түркия (2012-2014 жж.), Индонезия (2014-2017 жж.), Малайзия федералды соты (2017-2019 жж.), Қазақстан (2019-2021 жж.), Моңғолия (2021-2023 жж.) конституциялық бақылау органдары төрағалық етті. Қазіргі уақытта Таиланд Корольдігінің Конституциялық Соты (2023-2025) төраға болып табылады.

Телеграмм КС -

Ақпарат көзі: Қазақстан Республикасының Конституциялық Соты