Ұжымдық қауіпсіздік туралы шарт ұйымы шеңберінде Қырғызстанда өтіп жатқан «Іздеу-2024» арнайы оқу-жаттығуында Қазақстан Қарулы күштері Десанттық-шабуылдау әскерлерінің барлаушылары оқу-жауынгерлік тапсырмаларды орындау кезінде жоғары нәтижелер көрсетті. 

Ауа-райының қолайсыздығына қарамастан, ойлы-қырлы жерлерде қазақстандық әскери қызметшілер қиын жағдайға бейімделу, жергілікті жерді бағдарлаудың үздік дағдыларын және командада жұмыс істеудің лайықты қабілетін көрсетті. 

Заманауи барлау технологияларын, атап айтқанда ұшқышсыз басқарылатын құрылғылар мен радиолокациялық жүйелерді пайдалану тапсырмаларды орындау тиімділігін едәуір арттырды. 

ҰҚШҰ бөлімшелеріне дәл үйлестірудің және жағдайдың өзгеруіне бейімделе тез әрекет етудің нәтижесінде жауынгерлік жағдайға келтірілген сценарийлерді барынша тиімді пысықтауға мүмкіндік туды.

Оқу-жаттығу басшылығы қазақстандық әскерилердің кәсіби машығын мен үйлесімді іс-қимылын жоғары бағалап, ҰҚШҰ-ға мүше елдердің ұжымдық мүдделері мен қауіпсіздігін қорғауға дайындығын қолдау үшін осындай жаттығулардың маңыздылығын атап өтті. 

Таулы аймақтағы жаттығулар Қазақстанның Десанттық-шабуылдау әскерлері әскери қызметшілерінің жоғары жауынгерлік дайындығы мен далалық машығын шыңдады.

Ақпарат көзі: Министерство обороны Республики Казахстан