Зеренді ауданының егістік алқаптарында өнім көлемі рекордтық көрсеткішке жетті

19 Қыркүйек 2024 жылдың 9 Ақмола облысы ГУ «Аппарат акима Акмолинской области»

Ақмола облысында орақ науқаны қарқын алды. Бүгінгі таңда Ауыл шаруашылығы басқармасының деректері бойынша 2,4 млн гектар аумақта күзгі дала жұмыстары жүргізілді. Бұл өңірдегі жалпы егіс алқабының шамамен 51,5% құрайды. Орташа өнімділік 13 ц/га, бастырылған астық мөлшері 3,1 млн. тонна.

Жұмыс сапары аясында Ақмола облысының әкімі Марат Ахметжанов Зеренді ауданындағы «Namys Group» ЖШС және «Дихан Плюс» ЖШС алаңдарын аралады.

«Namys Group» ЖШС директоры Ерден Елеуовтың айтуынша, биыл шамамен 11 мың гектар жер егілді, оның 5 мыңы – дәнді дақылдар, 2 мыңы бұршақ және тағы 2 мыңы – майлы дақылдар. 3-4 санаттағы астықтың орташа өнімділігі – гектарына 35 центнер. Науқанға 12 комбайн тартылды.

«Мұндай егін көптен бері болған жоқ. Биылғы науқанға көтеріңкі көңіл күймен кірісіп кеттік, себебі егіннің шығымы жоғары. Күніне 150 тонна астық бастырамыз. Мен комбайншы болып 5 жылдан бері жұмыс істеп келемін. Ең үлкен өнім көрсеткіші арпаны ору кезінде тіркелді, гектардан 60 центнер алдық. Мемлекеттік қолдаудың арқасында жанармайдан таршылық көріп жатқан жоқпыз», - деп бөлісті механизатор Беслан Мусиев.

Қазіргі уақытта «Дихан Плюс» ЖШС-де 200-ге жуық адам жұмыс істейді. Егін жинауға 12 комбайн жұмылдырылған. Биыл 23 мың гектар аумаққа егін егілді, оның 12 мыңы - бидай, 6 мың гектардан астамы – майлы дақылдар және т.б. Қазіргі уақытта орташа өнімділік – гектарына 30 центнер.

«Бізде барлық жұмыс механикаландырылған. Арнайы бағдарламалардың арқасында біз егістіктің бүкіл тарихын, химиялық өңдеу қашан және қандай препараттармен жүргізілгенін және өткен жылдардағы өнімділікті көре аламыз. Әрбір комбайнда астық сапасының есебі мен талдауы жүргізіледі. Глютенді, ақуызды және басқа да көрсеткіштерді есептейтін автоматтандырылған жүйе токтарға да орнатылған», - деді «Дихан Плюс» ЖШС директоры Денис Швайбович.

«Мемлекет қолдан келгенше көмек көрсетуде. Биыл Ақмола облысының агроөнеркәсіптік кешенін қолдауға шамамен 130 млрд теңге бөлінді, оның ішінде субсидиялар мөлшері - 46,5 млрд теңге. Жедел мәселелерді шешу үшін өңір әкімдігінде 2024 жылғы күзгі дала жұмыстарын үйлестіру жөніндегі жедел штаб құрылды. Біздің басты міндетіміз – күзгі науқанды жоғары ұйымдастырушылық деңгейде өткізу», - дей келе Марат Ахметжанов ауыл шаруашылығы құрылымдарына табыс тіледі.

Ақпарат көзі: ГУ «Аппарат акима Акмолинской области»

Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме - https://t.me/gurkkz

Ақмола облысында орақ науқаны қарқын алды. Бүгінгі таңда Ауыл шаруашылығы басқармасының деректері бойынша 2,4 млн гектар аумақта күзгі дала жұмыстары жүргізілді. Бұл өңірдегі жалпы егіс алқабының шамамен 51,5% құрайды. Орташа өнімділік 13 ц/га, бастырылған астық мөлшері 3,1 млн. тонна. Жұмыс сапары аясында Ақмола облысының әкімі Марат Ахметжанов Зеренді ауданындағы «Namys Group» ЖШС және «Дихан Плюс» ЖШС алаңдарын аралады. «Namys Group» ЖШС директоры Ерден Елеуовтың айтуынша, биыл шамамен 11 мың гектар жер егілді, оның 5 мыңы – дәнді дақылдар, 2 мыңы бұршақ және тағы 2 мыңы – майлы дақылдар. 3-4 санаттағы астықтың орташа өнімділігі – гектарына 35 центнер. Науқанға 12 комбайн тартылды. «Мұндай егін көптен бері болған жоқ. Биылғы науқанға көтеріңкі көңіл күймен кірісіп кеттік, себебі егіннің шығымы жоғары. Күніне 150 тонна астық бастырамыз. Мен комбайншы болып 5 жылдан бері жұмыс істеп келемін. Ең үлкен өнім көрсеткіші арпаны ору кезінде тіркелді, гектардан 60 центнер алдық. Мемлекеттік қолдаудың арқасында жанармайдан таршылық көріп жатқан жоқпыз», - деп бөлісті механизатор Беслан Мусиев. Қазіргі уақытта «Дихан Плюс» ЖШС-де 200-ге жуық адам жұмыс істейді. Егін жинауға 12 комбайн жұмылдырылған. Биыл 23 мың гектар аумаққа егін егілді, оның 12 мыңы - бидай, 6 мың гектардан астамы – майлы дақылдар және т.б. Қазіргі уақытта орташа өнімділік – гектарына 30 центнер. «Бізде барлық жұмыс механикаландырылған. Арнайы бағдарламалардың арқасында біз егістіктің бүкіл тарихын, химиялық өңдеу қашан және қандай препараттармен жүргізілгенін және өткен жылдардағы өнімділікті көре аламыз. Әрбір комбайнда астық сапасының есебі мен талдауы жүргізіледі. Глютенді, ақуызды және басқа да көрсеткіштерді есептейтін автоматтандырылған жүйе токтарға да орнатылған», - деді «Дихан Плюс» ЖШС директоры Денис Швайбович. «Мемлекет қолдан келгенше көмек көрсетуде. Биыл Ақмола облысының агроөнеркәсіптік кешенін қолдауға шамамен 130 млрд теңге бөлінді, оның ішінде субсидиялар мөлшері - 46,5 млрд теңге. Жедел мәселелерді шешу үшін өңір әкімдігінде 2024 жылғы күзгі дала жұмыстарын үйлестіру жөніндегі жедел штаб құрылды. Біздің басты міндетіміз – күзгі науқанды жоғары ұйымдастырушылық деңгейде өткізу», - дей келе Марат Ахметжанов ауыл шаруашылығы құрылымдарына табыс тіледі.